ཝཱ་རཱ་ཎ་སཱི། वाराणसी
གནས་ཆེན་བཞིའི་ཡ་གྱལ་གསུམ་པ་ཝཱ་རཱ་ན་སི་ནི།བཅོམ་ལྡན་མངོན་པར་རྫོགས་པར་སངས་རྒྱས་ནས་བདུན་ཕྲག་བདུན་གྱི་རྗེས་སུ་རྒྱ་གར་གྲོང་ཁྱེར་ཆེན་པོ་དྲུག་གི་ནང་ཚན་ཝྭ་རཱ་ཎ་སི་དྲང་སྲོང་ལྷུང་བའི་རི་དྭགས་ཀྱི་ནགས་སུ་བྱོན་ནས་ཆུ་སྟོད་ཟླ་བའི་ཚེ་བཞིར་འཁོར་ལྔ་སྡེ་བཟང་པོ་སྟེ་ཚེ་དང་ལྡན་པ་ཀུན་ཤེས་ཀོའུ་ཌི་ན་ཡ། རྟ་ཐུལ། རླངས་པ། མིང་ཆེན།བཟང་ལྡན་བཅས་ལ་བཀའ་དང་པོ་བདེན་བཞིའི་ཆོས་འཁོར་བསྐོར་བའི་གནས་ནི་འདི་ཉིད་ཡིན་ལ་ལྷོ་ངོས་ལམ་ཟུར་གྱི་མཆོད་རྟེན་ཞིག་པོ་འདི་ལ་ཙོ་ཀན་ཊིའི་མཆོད་རྟེན་ཟེར་ལ་འཁོར་ལྔ་སྡེས་སྟོན་པ་དང་པོར་མཇལ་བའི་གནས་ཡིན་ཞིང་རྩེའི་ཁང་བུ་དེ་ནི་ཁ་ཆེ་ཀླ་ཀློས་བརྩིགས་པ། དུས་རབས་ལྔ་པའི་ནང་ལའང་དགེ་སློང་དང་དགེ་སློང་མ་ཆིག་སྟོང་སྔ་བརྒྱ་ལྷག་ཙམ་ནས་ཆོས་འཆད་ཉན་མཛད་བཞིན་བཞུགས་པའི་ལོ་རྒྱུས་ཡོད། དུས་ཀྱི་ཆག་འཇིག་ཁྲོད་སྔོན་གྱི་ དགོན་ཆེན་ཆགས་པའི་ཤུལ་དང་ད་དུང་ཆོས་འཁོར་སྐོར་བའི་ས་མིག་དེར་མཆོད་རྟེན་ཆུང་ངུ་རྡོ་ཡི་དྲ་མིག་གིས་བསྐོར་བ་དག་ཀྱང་ཡོད། དེ་དང་ཉེ་བ་ན་ཆོས་རྒྱལ་མྱ་ངན་མེད་ཀྱི་རྡོ་རིང་ཆག་གྲུམ་ཞིག་ཡོད་ལ་འདིའི་སྟེང་གི་ཡི་གེ་རྣམས་ལོ་ངོ་ཉིས་སྟོང་ལྷག་པའི་སྔོན་གྱི་རྒྱ་གར་ཡི་གེ་ཡིན། དེའི་ཚུར་ངོས་སུ་རྡོ་ཡི་མཆོད་རྟེན་ཤིན་ཏུ་ཆེན་པོ་ཞིག་ཡོད་པ་དེ་དྷརྨེ་ཀ་མཆོད་རྟེན་བྱ་བ་ཡིན་ཞིང་གུཔྟའི་རྒྱལ་བརྒྱུད་ཀྱི་སྐབས་སུ་བཞེངས་བར་བཤད། སྤྱི་ལོ་ ༡༨༨༠ ཙམ་གྱི་སྔོན་དུ་རྒྱ་གར་རྡོ་རྗེ་གདན་ལས་གཞན་ཇཔའི་གནས་ཆེན་ཁག་ནི་ཆག་འཇིག་གིས་གར་ཡོད་ཀྱི་མིང་ཙམ་ཡང་ཤེས་དཀའ་ཞིང་ལྷག་པར་དུ་ཕྱོགས་འདིར་ཡང་ག ཅེར་བུ་པའི་ལྷ་ཁང་ཞིག་ལས་གཞན་གང་ཡང་མེད་ཅིང་། མཐའ་ན་ཆོས་འཁོར་སྐོར་བའི་གནས་ཡིན་པ་ཙམ་ཡང་ཤེས་དཀའ་བ་ན་ལྷོ་ཕྱོགས་སིངྒ་ལའི་གླིང་ནས་སྐྱེས་བུ་སྙིང་སྟོབས་ཀྱི་བདག་ཉིད་ཆེན་པོ་དགེ་བརྙེན་དྷ་རྨ་པཱ་ལ་ཆོས་ཚོགས་བཙུགས་པ་དང་སིངྒ་ལའི་གླིང་ནས་འདུལ་ཆོག་སྡེ་གསུམ་ཚང་བའི་དགེ་འདུན་སྤྱན་དྲངས་ཏེ་སླར་ཡང་ཡུལ་འདིར་ཤཱཀྱའི་དགེ་སློང་རྣམ་སྦྱར་གྱི་རྒྱལ་མཚན་གྱོན་པ་རྣམས་མིག་གིས་མཐོང་ཡུལ་དུ་གྱུར། ཡུལ་འདིར་གཙུག་ལག་ཁང་དང་དགེ་འདུན་གྱི་ སྡེ་བཙུགས་ཏེ་སླར་ཡང་བསྟན་པ་ཕྱི་དར་གྱི་འགོ་བརྩམས། བདག་ཉིད་ཆེན་པོ་འདིས་ཁུར་དུ་བྱས་པའི་བྱ་བ་དག་མཐར་ཕྱིན་ནས་དུས་ཀྱི་མཇུག་ཏུ་རང་ཉིད་ཀྱང་ཁྱི མ་ནས་ཁྱིམ་མེད་པར་རབ་ཏུ་བྱུང་སྟེ་གནས་འདི་ཉིད་དུ་བཞུགས་ནས་འཁོར་ལོ་གསུམ་གྱི་བྱ་བས་དུས་འདའ་བཞིན་སྐུ་ཚེའི་འདུ་བྱེད་རྫོགས། བདག་ཉིད་ཆེན་པོ་འ དིའི་ཐུགས་བསྐྱེད་བཟང་པོ་རྗེས་དྲན་གྱི་རྟེན་དུ་རྡོ་ཀ་མ་རུ་པ་ལས་གྲུབ་པའི་འདྲ་སྐུ་མི་ཚད་མ་འདི་དྲི་གཙང་གི་མདུན་ངོས་ལྡུམ་རའི་ནང་དུ་ཡོད། བདག་ཉིད་ཆེན་པོ་དགེ་བསྙེན་དྷ་རམ་པཱ་ལས་བཞེངས་པ་མུལ་གན་དྷ་ཀུར་ཊིའི་གཙུག་ལག་ཁང་འདིར་བཅོམ་ལྡན་འདས་ཀྱི་སྐུ་རུས་ཚན་པ་གཉིས་ཡོད་པ་དང་གཅིག་ནི་རྡོ་འཇོག་ཡུ ལ་གྱི་མཆོད་རྟེན་རྙིང་པ་ཞིག་ལས་ཐོབ་ཅིང་གཅིག་ཤོས་ནི་ལྷོ་ཕྱོགས་དཔལ་གྱི་རི་ནས་རིན་པོ་ཆེའི་གའུ་རྡོ་སྒྲོམ་དུ་བཅུགས་པ་ལས་རྙེད་ཅིང་རྡོ་སྒྲོམ་གྱི་ཕྱི་ལ་སངས་ རྒྱས་ཀྱི་སྐུ་རུས་ཡིན་པའི་ཡི་གེ་ལོ་སྟོང་སྔོན་དུ་བཏབས་པ་བཅས་ཡོད།སྐུ་རུས་འདི་གཙུག་ལག་ཁང་འདིའི་ནང་དུ་བཞུགས་ཤིང་ལོ་རེ་བཞིན་ཟླ་བ་བཅུ་གཅིག་པའི ་ཚེས་བཅོ་ལྔའི་ཟླ་བ་ཉ་གང་བ་ན་ཕྱི་རོལ་དུ་སྤྱན་དྲངས་ཏེ་དངོས་མཇལ་གྱི་སྐལ་བ་མྱོང་ཐུབ། ད་དུང་ཕྱོགས་ཀྱི་གནས་སྐོར་བ་རྣམས་སྡོད་སའི་མགྲོན་ཁང་སིངྒ་ལ་དང་མ་ཡི་མའི་བཞེངས་བ་དང་། གཞན་ཡང་གསར་དུ་བཞེངས་པའི་བོད་ཀྱི་དགོན་སྡེ་ཁག་དང་བོད་ཀྱི་མཐོ་རིམ་སློབ་གྲ་ཆེན་མོ་སོགས་རིས་མེད་ཆོས་བརྒྱུད་ཡོངས་ཀྱི་སློབ་གཉེར་བ་རྣམས་ཀྱིས་ཕྱི་ནང་རིག་གནས་ཀུན་ལ་སྦྱང་བརྩོན་བྱེད་བཞིན་པའི་བསྟི་གནས་ཤིག་ཀྱང་ཡོད། ཆུ་མོ་གངྒའི་ཉེ་འགྲམ་གྱི་གྲོང་ཁྱེར་གོ་ཐོ་ལི་ཡ་ནང་ལྷ་དབང་ཕྱུག་ཆེན་པོའི་གསེར་གྱི་ལིངྐ་དེ་བདེ་མཆོག་གི་གནས་གཅིག་ཡིན་པ་ངོས་འཛིན་བྱེད་པ། ཝཱ་རཱ་ཎ་སི་རི་ལི་བབས་ཚུགས་ནས་ས་ར་ན་ཐ་བར་ཀི་ལོ་མི་ཊར་ ༡༠ ཡོད།།
(གཞན་ནས་དྲངས།)
No comments:
Post a Comment