༄༅། །ན་མོ་གུ་རུ། སྦྱིན་སྲེག་གི་མཇུག་ཏུ་འོ་ཐུག་སྒྲུབ་ཚུལ་ནི། ཐབ་ཁུང་གི་མེ་ལ་མཉྫི་བཞག་པའི་སྟེང་དུ། སྣོད་ནག་པོ་མ་ཡིན་པ། དྲི་དཀར་པོས་བྱུགས་ཤིང་། མགུལ་པར་མེ་ཏོག་གི་འཕྲེང་བ་བཅིངས་པ། ཧཱུཾ་ལས་བྱུང་བར་མོས་ཏེ་བཞག་པའི་ནང་དུ། འོ་མ་དང་། འབྲས་མ་གྲུགས་པ་དང་། མར་དང་། སྦྲང་རྩི་དང་། ཀ་ར་སྟེ་རྫས་ལྔ་གཟར་བུ་གཉིས་གང་རུང་གིས་བླུག་ལ། རང་གི་བདག་པོའི་སྔགས་བཟླ་ཞིང་བསྐོལ་ཏེ་བདུད་རྩིའི་རང་བཞིན་དུ་གྱུར་པར་བསམ། དེ་ནས་ཕུད་བླ་མ་དང་དཀྱིལ་འཁོར་པའི་ལྷ་ལ་འབུལ་རྒྱུ་སྣོད་གཙང་མར་བླུག །དེ་ནས་ཆོས་སྐྱོང་དང༌། ཕྱོགས་སྐྱོང་དང་། གཞི་བདག །དེ་ནས་རྡོ་རྗེ་སློབ་དཔོན་སྒྲུབ་གྲོགས་དང་བཅས་པར་བྲིམས་ལ། ཨོཾ་དཱི་བྱ་ཨགྣེ་ས་མ་དྷི་དྷྱཱ་ནི་པྲཱ་ཎ་ཡེ་སྭཱཧཱ། ཞེས་པས་བསྔགས་ཏེ་བླ་མ་དང་ལྷ་ལ་དབུལ་ཞིང་། དེ་བཞིན་གཤེགས་པའི་ལྷག་མ་འདི།། སྡིག་པ་རྣམ་པར་ཉམས་བྱེད་གསོལ།། ཞེས་བརྗོད་དེ་སྒྲུབ་པ་པོ་རྣམས་དང་སྦྱིན་བདག་དང་ལྷག་མ་དོན་དུ་གཉེར་བ་རྣམས་ཀྱིས་ལོངས་སྤྱོད་ལ། བསྔོ་བ་དང་ཤིས་བརྗོད་ཀྱིས་བརྒྱན་པར་བྱའོ།། །།
(རྗེ་ཁྲི་བྱང་བའི་སྒྲོལ་དཀར་ཞི་བའི་སྦྱིན་སྲེག་ལས་བཏུས།)
No comments:
Post a Comment