༄༅། །བྱམས་སྙིང་རྗེ་བྱང་ཆུབ་ཀྱི་སེམས་ལས་བརྩམས་པའི་ཚིག་གི་ཕྲེང་བ་རྒྱལ་སྲས་དམ་པའི་སྤྱོད་པ་ཞེས་བྱ་བ་བཞུགས་སོ།།
(ཕྱི་ལོ་ ༢༠༡༤ ཟླ་བ་ ༡ ཚེས་ ༢༥ ནས། ཕྱི་ལོ་ ༢༠༡༤ ཟླ་བ་ ༣ ཚེས་ ༣༡ བར་ཉིན་རེར་ཚིགས་བཅད་གཅིག་ལས་མི་ཉུང་བ་བྲིས་པ་ཞིག་ཡིན།)
༄༅། །ནམོ་ལོཀེཤྭརཡ།
སངས་རྒྱས་ཆོས་དང་དགེ་འདུན་ལ།།
དང་བའི་སེམས་ཀྱིས་ཕྱག་འཚལ་ཞིང་།།
འགྲོ་བའི་སྡུག་བསྔལ་མཐར་བྱེད་པའི།།
ཐུགས་རྗེ་ཆེན་པོ་ལ་ཕྱག་འཚལ།། ༡
རང་གིས་རང་ལ་བརྩེ་བ་ནི།།
གཤིས་སུ་གྲུབ་ཕྱིར་འདོར་དུ་མེད།།
དེ་ཉིད་གཞན་ལ་བཅོས་མིན་དུ།།
སྐྱེད་པ་རྒྱལ་སྲས་དམ་པའི་ལུགས།། ༢
འགྲོ་ཀུན་མཐའ་མེད་བདེ་བ་ལ།།
སྤྱོད་པར་འདོད་པ་ལོས་ཡིན་ཏེ།།
དེ་ཕྱིར་གཞན་བདེ་ཁྱད་བསད་པའི།།
གཤིས་སྤྱོད་ངན་འདི་ཡི་རེ་མུག། ༣
རང་གི་སྲིད་ཞིའི་ལེགས་ཚོགས་ཀུན།།
གཞན་ལ་མ་བརྟེན་དེ་གང་ཞིག།
དེ་བས་ལུས་ཅན་ཀུན་གྱི་དྲིན།།
ཚད་ནི་ནམ་མཁའི་མཐའ་ཡིས་གཞལ།། ༤
གཞན་དོན་གཟུགས་བརྙན་ཙམ་གྱིས་ཀྱང་།།
མཐོང་ཆོས་བདེ་བར་གནས་མཐོང་ན།།
གཅིག་ཏུ་གཞན་དོན་ལ་གཞོལ་བས།།
ཅི་ཕྱིར་བདེ་ནས་བདེར་མི་འགྲོ།། ༥
བདེ་བའི་རྒྱུ་ནི་གང་ཞིག་ཅེས།།
དེ་ཉིད་རིག་པས་དགོངས་པ་ན།།
ཕན་པའི་བསམ་སྦྱོར་འབའ་ཞིག་ཏུ།།
གཟིགས་ཕྱིར་སྒོ་གསུམ་དེ་ལ་འབུངས།། ༦
མཐའ་ཡས་འགྲོ་བའི་བདེ་སྡུག་ལ།།
བསམ་ཚེ་རང་གི་སྐྱིད་དང་སྡུག།
རྡུལ་ཕྲན་ལས་ཀྱང་ཆེས་ཕྲ་བས།།
དེང་ནས་རང་དོན་སེམས་པ་སྐྱུངས།། ༧
ཐོག་མེད་སྲིད་པའི་དོ་ར་འདིར།།
རང་དོན་འབའ་ཞིག་བསམས་བསམས་ཀྱང་།།
རང་གཞན་སྡུག་ལ་སྦྱར་བ་ཙམ།།
ད་ནི་བཟློག་སྟེ་བསམ་པར་རིགས།། ༨
སྡུག་བསྔལ་བྱུང་ན་མི་བཟོད་པ།།
རང་གཞན་གང་ལའང་ཁྱད་མེད་པར།།
སྐྱེ་བར་འགྱུར་མོད་སྦྱོར་བའི་ཚེ།།
རིས་སུ་བཅད་པ་གཤིས་དང་འགལ།། ༩
དྲིན་ལན་ཐེངས་འགའ་འཇལ་བ་ཡང་།།
ཡ་རབས་སོགས་ཀྱིས་བསྔགས་འོས་ན།།
བདེ་བ་ཀུན་ལ་སྦྱོར་འདོད་པའི།།
རྒྱལ་བའི་སྲས་རྣམས་སྨོས་ཅི་དགོས།། ༡༠
བདེ་ལ་སྦྱོར་འདོད་བསམ་པ་ཙམ།།
སྐྱེས་པ་ཉིད་ཀྱང་རླབས་ཆེ་ན།།
བདེ་ལ་དངོས་སུ་སྦྱོར་རྩོམ་པའི།།
བསམ་སྦྱོར་དེ་ནི་བླ་ན་མེད།། ༡༡
འཇིག་རྟེན་བདེ་ཀུན་རང་ཉིད་ལ།།
ཐོབ་པར་ངེས་ན་སུ་མི་འདོད།།
སྤོས་མེ་ཙམ་གྱིས་སྡུག་བསྔལ་ཡང་།།
ལྷན་སྐྱེས་སེམས་ཀྱིསཾ་སུ་ཡིས་འདོད།། ༡༢
བདེ་དང་སྡུག་བསྔལ་འདོད་མི་འདོད།།
རང་གཞན་མ་ལུས་མཚུངས་པས་ན།།
བདག་གི་བདེ་བ་ཕྲ་མོའི་ཕྱིར།།
གཞན་ཀུན་བོར་བ་ཅིའི་ཐ་ཚིག། ༡༣
རང་གིས་བསལ་བྱའི་སྡུག་བསྔལ་ནི།།
རང་དང་ཉེ་འབྲེལ་རྣམས་ཀྱི་ན།།
རང་དང་མ་འབྲེལ་འགྲོ་མེད་པས།།
རང་གིས་སེལ་དགོས་མིན་དེ་གང་།། ༡༤
བདག་ལ་གཅེས་ཤིང་གཞན་བོར་བ།།
མ་རིག་པ་ལ་ཡིད་རྟོན་མོད།།
རང་གཞན་རང་གཞན་དུ་གྲུབ་པ།།
རྟེན་འབྱུང་ཡིན་གྱི་ངོ་བོས་མིན།། ༡༥
བདག་གི་གཉེན་དང་བདག་གི་དགྲ།།
ཕན་དང་གནོད་པས་གཞལ་ལགས་ཀྱང་།།
གཉིས་ཀྱི་འཁོར་གསུམ་མི་དམིགས་པས།།
གང་ལ་ཆགས་ཤིང་གང་ལ་སྡང་།། ༡༦
འགྲོ་བའི་སྤྱོད་ངན་ལ་དམིགས་ནས།།
ཡིད་ནི་ཁྲོ་དང་ཞུམ་པ་ལས།།
འཕུང་རྩ་མ་རིག་བག་ཆགས་བཅས།།
རྩད་ནས་གཅོད་པའི་སྙིང་སྟོབས་སྐྱེད།། ༡༧
གཅེས་འཛིན་གདོན་འདིས་ཐོག་མེད་ནས།།
རང་ཉིད་ཀུན་ལས་ལྷག་པར་ཞེན།།
རང་གཞན་གཉིས་ལས་གང་ལྷག་ཅེས།།
རིགས་པས་བརྟགས་ན་རང་ཉིད་ཕམ།། ༡༨
བདག་ཉིད་སྐྱིད་དང་བདེ་འགྱུར་ན།།
གཞན་དག་གང་དང་ཅིར་གྱུར་ཀྱང་།།
ཅི་མི་སྙམ་པའི་སྙིང་ཁམས་ལ།།
ང་ང་ལས་གཞན་རྒྱུ་མཚན་གང་།། ༡༩
གཞན་གྱི་སྡུག་བསྔལ་སེལ་བ་དེ།།
ཁྱོད་ཀྱི་ཁུར་དུ་བབས་མིན་ན།།
མ་ཡིས་ཁྱོད་ཀྱི་སྡུག་བསྔལ་དག།
སེལ་བའི་ཚུལ་ལ་དྲན་པ་ཐོངས།། ༢༠
སེམས་ཅན་སྤྱོད་པ་ངན་ནོ་ཞེས།།
དེ་དག་ཁྱོད་ཀྱིས་སྤང་ཞེ་ན།།
ཁྱོད་ཀྱི་སྤྱོད་པའང་དེར་མཚུངས་པས།།
ཁྱོད་ཀྱང་ཁྱོད་ཀྱིས་སྤོང་བར་རིགས།། ༢༡
རང་ལ་སྡུག་བསྔལ་སྐད་ཅིག་ཙམ།།
བཟོད་མི་ནུས་དང་གཞན་དག་ནི།།
སྡུག་ལ་སྦྱོར་ཞིང་བདེ་བ་དག།
འཇོམས་པ་འཐད་མིན་རིགས་པས་དཔྱོད།། ༢༢
དྲིན་ཅན་དྲིན་དུ་མི་གཟོ་ན།།
ཡ་རབས་དམ་པའི་ཚུལ་ལས་འགོངས།།
དྲིན་དུ་མ་ཆེ་སུ་མེད་པས།།
རང་ཉིད་གང་དུ་གཏོགས་མིན་སོམས།། ༢༣
གཞན་གྱི་བདེ་སྡུག་སེམས་སེམས་པས།།
ཕན་པའམ་ཡང་ན་མ་ཕན་ཀྱང་།།
གནོད་པར་མི་འགྱུར་ཕན་སེམས་རྒྱས།།
རང་ལ་བཟང་ངན་རེ་དོགས་ཆད།། ༢༤
རང་གིས་ཕན་སེམས་གང་སྐྱེས་ཀྱང་།།
ཕན་པ་མེད་པར་མི་རིགས་ཏེ།།
ཅུང་ཟད་ཕན་ལ་བསྙོན་མེད་ཅིང་།།
བཟང་པོའི་འབྲེལ་བ་ངེས་པར་འཐོབ།། ༢༥
གཏན་འདུན་སྙིང་པོ་ལེན་བསམ་ན།།
ཕན་སེམས་ཀུན་གྱི་མཐར་ཐུག་དང་།།
མི་འདོད་ཀུན་ཀྱང་འཇོམས་མཛད་ཕྱིར།།
བྱང་ཆུབ་སེམས་ལ་ནན་ཏན་མཛོད།། ༢༦
བརྩེ་བའི་ས་བོན་ལྡན་མོད་ཀྱང་།།
སྒོམ་པས་སྤེལ་བར་མ་བྱས་ཕྱིན།།
གཞན་ཕན་མྱུ་གུ་མི་འབྱུང་སྟེ།།
བརླན་བྲལ་བྱང་གི་ནས་རྡོག་བཞིན།། ༢༧
བདག་གི་དོན་དུ་སྡུག་བཟོད་ལྟར།།
གཞན་ཕྱིར་སྐད་ཅིག་ཀྱང་མི་བཟོད།།
བདག་བདེ་སྟོང་གསུམ་ཚད་ཀྱང་ཉུང་།།
གཞན་ལ་རྡུལ་ཕྲན་ཙམ་ཡང་ཕངས།། ༢༨
ཕན་པ་ལན་གཅིག་བྱས་པ་ཡང་།།
ཚེ་མཐའི་བར་སྒྲོག་བདག་གི་སྤྱོད།།
རྒྱལ་བའི་གོ་འཕང་ལ་བཀོད་ཀྱང་།།
ལན་ལ་མི་རེ་རྒྱལ་བའི་སྲས།། ༢༩
དམ་པའི་ཆོས་ལ་འཇུག་ཁུལ་ཡང་།།
གཅེས་འཛིན་འདི་ཡིས་ལམ་མི་གཏོང་།།
ལུས་ངག་སྤྱོད་པ་རྣམ་དག་ཀྱང་།།
རྒྱལ་སྲས་སྤྱོད་པར་དེས་མ་བཙུད།། ༣༠
རྒྱུད་འདི་བྱམས་པས་བརླན་པ་ན།།
ཆགས་སྡང་རྩད་ནས་མ་གཞོམ་བླའི།།
སྐྱིད་ཀྱི་སྐྱ་རེངས་དེང་ནས་ཤར།།
གཏན་བདེའི་ཉེར་བསྡོགས་དེང་ནས་འགྲུབ།། ༣༡
བདག་གིས་བདག་དོན་ཁོ་ནར་སེམས།།
རྒྱལ་སྲས་རྣམས་ནི་བཟློག་སྟེ་སེམས།།
བདག་དོན་སེམས་པས་སྲིད་ཞིར་བཅིངས།།
བཟློག་སྟེ་སེམས་པས་དེ་ལས་གྲོལ།། ༣༢
སངས་རྒྱས་ཀུན་གྱི་དགོངས་པའི་མཐིལ།།
དམ་ཆོས་མཚོ་ཆེན་བསྲུབས་པའི་བཅུད།།
སེམས་མཆོག་བདུད་རྩི་དམ་པ་དེ།།
སོ་མེད་ན་ཡང་རྙིལ་གྱིས་བལྡད།། ༣༣
བརྟན་གཡོའི་ལེགས་ཚོགས་ཇི་སྙེད་པའི།།
གཞི་དང་རྟེན་དང་རྩ་བ་ནི།།
སྙིང་རྗེ་ཉིད་ཡིན་དེ་ཡི་ཕྱིར།།
དེ་ཀོ་སྐྱོབ་པ་བླ་ན་མེད།། ༣༤
འཇིག་རྟེན་བདེ་དགས་ཡོངས་ཁྱབ་ན།།
དེ་ཉིད་མི་འདོད་ཤེས་ལྡན་སུ།།
ཀུན་ཏུ་ཡིད་འོང་བྱམས་བརྩེའི་སེམས།།
ཀུན་ལ་འཕེལ་བས་ངེས་པར་འབྱུང་།། ༣༥
སྙིང་རྗེའི་ཡོན་ཏན་མང་ཐོས་ཤིང་།།
ཡིད་དཔྱོད་ཙམ་གྱིས་དོན་གོ་ཡང་།།
ལག་ལེན་ཉིན་མོའི་སྐར་མའི་མཆེད།།
བདག་ལ་ཐུགས་རྗེ་ཅན་གྱིས་གཟིགས།། ༣༦
ཕན་གནོད་ལན་དུ་ཕན་འདོགས་མཆོག།
ཕན་གནོད་ལན་དུ་ཕན་གནོད་ཕལ།།
གང་ཕྱིར་བརྩེ་དང་དེས་བསྐྱེད་སྤྱོད།།
ཡོད་དང་མེད་པའི་ཁྱད་པར་རོ།། ༣༧
བདེ་སྐྱིད་སེམས་ལ་ཐུག་གོ་ཞེས།།
བྱང་མོད་དེ་ཡི་རྒྱུ་མཚན་གང་།།
སེམས་ལ་བྱམས་བརྩེས་དབང་གྱུར་ན།།
བདེ་སྐྱིད་མ་འབོད་གཡང་དུ་ཁུག། ༣༨
རང་ཉིད་ནད་སོགས་གདུང་བའི་ཚེ།།
གཏན་ནས་མི་བཟོད་ཐར་འདོད་བཞིན།།
འགྲོ་བ་ཀུན་ལ་བཅོས་མིན་དུ།།
སྐྱེས་པའི་རྒྱལ་སྲས་ཨེ་མ་རྨད།། ༣༩
རང་གི་བདེ་སྡུག་རང་གི་དང་།།
གཞན་གྱི་བདེ་སྡུག་གཞན་གྱིའོ་ཞེས།།
བླང་དོར་ཕྱོགས་རིས་མི་འཐད་དེ།།
བདེ་སྡུག་ཡིན་ཕྱིར་བླང་དོར་མཚུངས།། ༤༠
སྡུག་བསྔལ་མི་འདོད་གཤིས་ལགས་མོད།།
སྡུག་བསྔལ་གང་གིས་བྱས་པ་དང་།།
སྡུག་བསྔལ་སྤང་ན་ཇི་ལྟར་སོགས།།
སྡུག་བསྔལ་རྒྱུ་དང་གཉེན་པོ་འཚོལ།། ༤༡
སྡུག་བསྔལ་རྒྱུ་དང་གཉེན་པོ་དག།
རང་གི་སྟེང་དུ་ངེས་པ་དེས།།
བློ་ཁ་གཞན་ལ་ཕྱོགས་པ་ན།།
སྙིང་རྗེའི་རོ་མཆོག་མྱོང་བར་འགྱུར།། ༤༢
སེམས་ཅན་ཀུན་ལ་རང་ཉིད་ཀྱིས།།
མ་བྱས་པར་ནི་བགྲངས་ཡས་པས།།
བརྩེ་བའི་ས་བོན་ཀུན་དང་འབྲེལ།།
ད་ནི་བརྩོན་པ་བསྟེན་ལ་རག། ༤༣
བདེ་བ་རྨི་ལམ་ཚུན་འདོད་ཀྱང་།།
དེ་རྒྱུ་ཟེར་རྗེས་འབྲངས་པ་འམ།།
སྒོ་ལྔའི་བདེ་རྒྱུ་ཙམ་གྱིས་འཁྲུལ།།
དེ་དག་མིང་གིས་བདེ་སྐྱིད་ཙམ།། ༤༤
རང་གཞན་མ་ལུས་བདེ་སྡུག་དང་།།
གཏན་དུ་སྦྱོར་དང་བྲལ་འདོད་པས།།
འཕྲལ་ཕུགས་གང་དུའང་མི་བསླུ་བའི།།
བྱམས་བརྩེའི་བསམ་པ་སྦྱང་བ་གཅེས།། ༤༥
རང་གིས་སྙིང་ནས་གང་འདོད་པ།།
བརྩེ་བས་མ་གྲུབ་མི་འདུག་པས།།
རང་དྲིན་རང་ལ་ཆེ་དགོས་ན།།
འཕྲལ་ཕུགས་ཁེ་པོགས་མ་ནོར་གཅེས།། ༤༦
དཀའ་ལ་དོན་ཆུང་ལས་འགའ་ཞིག།
གྲུབ་མིན་མ་བརྟགས་འཇུག་པ་མང་།།
སྐྱིད་ཀྱི་གཞི་མའི་སེམས་མཆོག་དེ།།
མི་ནུས་ཟེར་ནས་བཤོལ་འདི་ཅི།། ༤༧
གཞན་གྱི་ཕན་བདེར་རྟག་སེམས་པའི།།
རྒྱལ་སྲས་རྣམས་ནི་གང་གིས་འཇིགས།།
འཕུང་བྱེད་གདོན་གྱི་གཙོ་བོ་སྟེ།།
གཅེས་འཛིན་གདོན་ཆེན་ཟིལ་མནན་ཕྱིར།། ༤༨
རང་ཕྱིར་གཞན་དག་བདེར་འགོད་པ།།
ཉོ་ཚོང་འདྲ་བས་ངོ་མཚར་ཅི།།
ཅིར་ཡང་མི་རེ་གཞན་ཕན་ཉིད།།
དགོངས་པའི་བདག་ཉིད་ཆེ་རྣམས་རྨད།། ༤༩
གཞན་གྱིས་བརྩེ་བས་བལྟ་བ་ཙམ།།
དགའ་དང་སྐྱིད་པའི་གཞི་བྱས་པས།།
རང་རྒྱུད་ཡོངས་སུ་དེས་ཁེངས་ན།།
བདེ་སྐྱིད་མེད་ཅེས་སྨྱོན་པའི་ཚིག། ༥༠
བདེ་བ་ཐམས་ཅད་རང་གཞན་ཀུན།།
ཕན་ཚུན་བརྟེན་ནས་འབྱུང་བའི་ཕྱིར།།
ཀུན་ཀྱང་བདེ་ལ་རྟག་སྦྱོར་བའི།།
ལས་དེ་རང་གིས་བླང་བར་རིགས།། ༥༡
སྡུག་བསྔལ་ཐམས་ཅད་རང་གཞན་ཀུན།།
ཕན་ཚུན་བརྟེན་ནས་འབྱུང་བའི་ཕྱིར།།
ཀུན་ཀྱང་སྡུག་བསྔལ་གཏན་བསྒྲལ་བའི།།
ལས་དེ་རང་གིས་བླང་བར་རིགས།། ༥༢
ཐོག་མེད་དགྲ་བོ་བསྒྲལ་བསམ་ན།།
ཆགས་པའི་གོ་ས་བྱམས་པས་ཟུངས།།
ཁོང་ཁྲོ་བསྐྲད་ནས་བརྩེ་བ་ལོངས།།
གཏི་མུག་མཐར་བྱེད་ཤེས་རབ་སྐྱེད།། ༥༣
ལྟུང་བའི་དྲི་མས་དག་པ་ལ།།
དྲན་ཤེས་ནར་མར་བསྟེན་དགོས་མོད།།
ནང་ནས་སྙིང་རྗེའི་ཀློང་བརྡོལ་ན།།
ཚུལ་ཁྲིམས་ལྷོད་སྐབས་ག་ལ་ཞིག། ༥༤
ཕལ་པ་རང་དོན་ཕྲ་མོའི་ཕྱིར།།
གཞན་དག་སྡུག་ལ་སྦྱོར་བ་མང་།།
བདེ་གཤེགས་སྲས་རྣམས་གཞན་གྱི་ཕྱིར།།
ཀལྤར་སྡུག་བསྔལ་དང་དུ་ལེན།། ༥༥
བརྩེ་བས་ཕ་རོལ་བསླུ་མི་སྲིད།།
བྱམས་པས་མི་དགར་གྱུར་མི་སྲིད།།
བྱང་ཆུབ་སེམས་ཀྱིས་ཞུམ་མི་སྲིད།།
ཡང་དག་ལྟ་བས་གོལ་མི་སྲིད།། ༥༦
བདེ་ཀུན་སྙིང་རྗེའི་རྩ་བ་ཅན།།
དེས་སྐྱེས་དེ་ཡིས་རྒྱས་ལགས་པས།།
བདེ་སྡུག་རྒྱུ་ནི་གོ་ལོག་ཀྱང་།།
རང་དོན་སེམས་པ་ཡིན་ནོ་ལོ།། ༥༧
ཆོས་ཀྱི་སྙིང་པོ་རིན་ཆེན་སེམས།།
རྩ་བ་སྙིང་རྗེ་དེ་ངེས་འབྱུང་།།
མེད་ན་མི་འབྱུང་ངེས་པའི་ཕྱིར།།
ལམ་གྱི་གོ་རིམ་མ་འཆོལ་གནད།། ༥༨
རང་ཉིད་བདེ་ཕྱིར་གཞན་ལ་འཚེ།།
མི་འདོད་སྡུག་བསྔལ་རང་ལ་བབས།།
བརྩེ་བས་གཞན་ལ་ཕན་ནམ་མིན།།
རང་ཉིད་འཕྲལ་ཡུན་ཀུན་ཏུ་བདེ།། ༥༩
མཐོང་ཆོས་བདེ་བ་གཏན་གྱི་བདེར།།
རློམ་ཡང་རྟིང་མར་བསླུ་བའི་ཕྱིར།།
བདེ་སྐྱིད་ནང་ནས་འཚོལ་བསམ་ན།།
བྱམས་དང་བརྩེ་བ་ཨེ་སྐྱེད་ལྟོས།། ༦༠
ཆོས་ནི་ཕལ་དང་འདྲ་སྣང་ཙམ།།
ཉེས་སྤྱོད་ཕལ་ཆེར་སྦྱོར་དངོས་ཚང་།།
མ་རིག་པ་དང་གཅེས་འཛིན་ཟུང་།།
མགོ་འཕངས་སྲིད་རྩེར་སྙེག་པའི་རྟགས།། ༦༡
ཆོས་ལ་བག་ཆགས་འཇོག་བསམ་ན།།
བྱང་ཆུབ་སེམས་ལ་སྦྱོང་བར་མཛོད།།
ཆོས་ཀྱི་སྙིང་པོ་སློབ་སྙམ་ན།།
བྱང་ཆུབ་སེམས་ལ་སྦྱོང་བར་མཛོད།། ༦༢
ཆོས་ཀྱིས་གཞན་དོན་བྱ་འདོད་ན།།
བྱང་ཆུབ་སེམས་ལ་སྦྱོང་བར་མཛོད།།
ཆོས་ཀྱི་གཏིང་མཐའ་གཞལ་དགོས་ན།།
བྱང་ཆུབ་སེམས་ལ་སྦྱོང་བར་མཛོད།། ༦༣
སེམས་ཅན་གྲངས་ལས་འདས་པའི་ཕྱིར།།
ཀུན་གྱི་དོན་ཞིག་ཇི་ལྟར་ནུས།།
ངས་ཀྱང་རིམ་གྱིས་བྱས་ཟིན་ཅིང་།།
དཔག་མེད་བཞི་ཡིས་ཅིག་ཅརའང་ནུས།། ༦༤
བདེ་འདོད་སེམས་ཀྱི་ཟུར་ཆ་ནས།།
ནམ་ཡང་མི་གཏོང་ཟིན་མོད་ཀྱང་།།
གང་ལ་བརྟེན་ནས་བདེ་བྱུང་བའི།།
སེམས་ཅན་ཡལ་བར་བོར་བ་མཚར།། ༦༥
བརྒྱ་ཕྲག་དཀའ་བས་ལུས་སེམས་གཉིས།།
བསྟོད་པར་རེ་ནས་ཨ་ཐང་ཆད།།
རེ་དོགས་མེད་པར་མ་གྱུར་འགྲོའི།།
བདེ་སྡུག་སོམས་དང་བསྟོད་པས་བསུན།། ༦༦
སུ་ལའང་མ་ལྟོས་དོན་གྲུབ་ན།།
བརྩེ་བ་མི་དགོས་བདེན་དུ་ཆུག།
འོན་ཏེ་འདི་ནས་བྱང་ཆེན་བར།།
གཞན་བརྟེན་ཉིད་ཕྱིར་བརྩེ་བ་གཙོ།། ༦༧
རང་ཉིད་འཚོ་ཕྱིར་གཞན་གྱི་སྲོག།
འཕྲོག་ལ་མི་འཚེར་རྒྱན་དུ་ངོམ།།
གཞན་སྲོག་འཕྲལ་ནས་ངེས་པར་རང་།།
འཚོ་དགོས་པ་དེ་ཅི་ཡི་སླད།། ༦༨
རང་གིས་རང་ལ་རྨོངས་པ་ནི།།
བླུན་པོའི་ཕུལ་ཞེས་གྲགས་ན་ཡང་།།
སེམས་མཆོག་གཉིས་ཀྱི་དྲི་མེད་པས།།
མྱུར་ལམ་བརྩལ་དུ་འདོན་ལོ་ཅི།། ༦༩
དགེ་བ་འདི་ཡིས་འགྲོ་བ་ཀུན།།
སྡུག་བསྔལ་མཚོ་ཆེན་ལས་བསྒྲལ་ཏེ།།
ཞི་བསིལ་གཏན་བདེའི་གླིང་ཆེན་ལ།།
འགོད་པའི་བྱེད་པོར་བདག་གྱུར་ཅིག། ༧༠
(ཕྱི་ལོ་ ༢༠༡༤ ཟླ་བ་ ༡ ཚེས་ ༢༥ ནས། ཕྱི་ལོ་ ༢༠༡༤ ཟླ་བ་ ༣ ཚེས་ ༣༡ བར་ཉིན་རེར་ཚིགས་བཅད་གཅིག་ལས་མི་ཉུང་བ་བྲིས་པ་ཞིག་ཡིན།)
༄༅། །ནམོ་ལོཀེཤྭརཡ།
སངས་རྒྱས་ཆོས་དང་དགེ་འདུན་ལ།།
དང་བའི་སེམས་ཀྱིས་ཕྱག་འཚལ་ཞིང་།།
འགྲོ་བའི་སྡུག་བསྔལ་མཐར་བྱེད་པའི།།
ཐུགས་རྗེ་ཆེན་པོ་ལ་ཕྱག་འཚལ།། ༡
རང་གིས་རང་ལ་བརྩེ་བ་ནི།།
གཤིས་སུ་གྲུབ་ཕྱིར་འདོར་དུ་མེད།།
དེ་ཉིད་གཞན་ལ་བཅོས་མིན་དུ།།
སྐྱེད་པ་རྒྱལ་སྲས་དམ་པའི་ལུགས།། ༢
འགྲོ་ཀུན་མཐའ་མེད་བདེ་བ་ལ།།
སྤྱོད་པར་འདོད་པ་ལོས་ཡིན་ཏེ།།
དེ་ཕྱིར་གཞན་བདེ་ཁྱད་བསད་པའི།།
གཤིས་སྤྱོད་ངན་འདི་ཡི་རེ་མུག། ༣
རང་གི་སྲིད་ཞིའི་ལེགས་ཚོགས་ཀུན།།
གཞན་ལ་མ་བརྟེན་དེ་གང་ཞིག།
དེ་བས་ལུས་ཅན་ཀུན་གྱི་དྲིན།།
ཚད་ནི་ནམ་མཁའི་མཐའ་ཡིས་གཞལ།། ༤
གཞན་དོན་གཟུགས་བརྙན་ཙམ་གྱིས་ཀྱང་།།
མཐོང་ཆོས་བདེ་བར་གནས་མཐོང་ན།།
གཅིག་ཏུ་གཞན་དོན་ལ་གཞོལ་བས།།
ཅི་ཕྱིར་བདེ་ནས་བདེར་མི་འགྲོ།། ༥
བདེ་བའི་རྒྱུ་ནི་གང་ཞིག་ཅེས།།
དེ་ཉིད་རིག་པས་དགོངས་པ་ན།།
ཕན་པའི་བསམ་སྦྱོར་འབའ་ཞིག་ཏུ།།
གཟིགས་ཕྱིར་སྒོ་གསུམ་དེ་ལ་འབུངས།། ༦
མཐའ་ཡས་འགྲོ་བའི་བདེ་སྡུག་ལ།།
བསམ་ཚེ་རང་གི་སྐྱིད་དང་སྡུག།
རྡུལ་ཕྲན་ལས་ཀྱང་ཆེས་ཕྲ་བས།།
དེང་ནས་རང་དོན་སེམས་པ་སྐྱུངས།། ༧
ཐོག་མེད་སྲིད་པའི་དོ་ར་འདིར།།
རང་དོན་འབའ་ཞིག་བསམས་བསམས་ཀྱང་།།
རང་གཞན་སྡུག་ལ་སྦྱར་བ་ཙམ།།
ད་ནི་བཟློག་སྟེ་བསམ་པར་རིགས།། ༨
སྡུག་བསྔལ་བྱུང་ན་མི་བཟོད་པ།།
རང་གཞན་གང་ལའང་ཁྱད་མེད་པར།།
སྐྱེ་བར་འགྱུར་མོད་སྦྱོར་བའི་ཚེ།།
རིས་སུ་བཅད་པ་གཤིས་དང་འགལ།། ༩
དྲིན་ལན་ཐེངས་འགའ་འཇལ་བ་ཡང་།།
ཡ་རབས་སོགས་ཀྱིས་བསྔགས་འོས་ན།།
བདེ་བ་ཀུན་ལ་སྦྱོར་འདོད་པའི།།
རྒྱལ་བའི་སྲས་རྣམས་སྨོས་ཅི་དགོས།། ༡༠
བདེ་ལ་སྦྱོར་འདོད་བསམ་པ་ཙམ།།
སྐྱེས་པ་ཉིད་ཀྱང་རླབས་ཆེ་ན།།
བདེ་ལ་དངོས་སུ་སྦྱོར་རྩོམ་པའི།།
བསམ་སྦྱོར་དེ་ནི་བླ་ན་མེད།། ༡༡
འཇིག་རྟེན་བདེ་ཀུན་རང་ཉིད་ལ།།
ཐོབ་པར་ངེས་ན་སུ་མི་འདོད།།
སྤོས་མེ་ཙམ་གྱིས་སྡུག་བསྔལ་ཡང་།།
ལྷན་སྐྱེས་སེམས་ཀྱིསཾ་སུ་ཡིས་འདོད།། ༡༢
བདེ་དང་སྡུག་བསྔལ་འདོད་མི་འདོད།།
རང་གཞན་མ་ལུས་མཚུངས་པས་ན།།
བདག་གི་བདེ་བ་ཕྲ་མོའི་ཕྱིར།།
གཞན་ཀུན་བོར་བ་ཅིའི་ཐ་ཚིག། ༡༣
རང་གིས་བསལ་བྱའི་སྡུག་བསྔལ་ནི།།
རང་དང་ཉེ་འབྲེལ་རྣམས་ཀྱི་ན།།
རང་དང་མ་འབྲེལ་འགྲོ་མེད་པས།།
རང་གིས་སེལ་དགོས་མིན་དེ་གང་།། ༡༤
བདག་ལ་གཅེས་ཤིང་གཞན་བོར་བ།།
མ་རིག་པ་ལ་ཡིད་རྟོན་མོད།།
རང་གཞན་རང་གཞན་དུ་གྲུབ་པ།།
རྟེན་འབྱུང་ཡིན་གྱི་ངོ་བོས་མིན།། ༡༥
བདག་གི་གཉེན་དང་བདག་གི་དགྲ།།
ཕན་དང་གནོད་པས་གཞལ་ལགས་ཀྱང་།།
གཉིས་ཀྱི་འཁོར་གསུམ་མི་དམིགས་པས།།
གང་ལ་ཆགས་ཤིང་གང་ལ་སྡང་།། ༡༦
འགྲོ་བའི་སྤྱོད་ངན་ལ་དམིགས་ནས།།
ཡིད་ནི་ཁྲོ་དང་ཞུམ་པ་ལས།།
འཕུང་རྩ་མ་རིག་བག་ཆགས་བཅས།།
རྩད་ནས་གཅོད་པའི་སྙིང་སྟོབས་སྐྱེད།། ༡༧
གཅེས་འཛིན་གདོན་འདིས་ཐོག་མེད་ནས།།
རང་ཉིད་ཀུན་ལས་ལྷག་པར་ཞེན།།
རང་གཞན་གཉིས་ལས་གང་ལྷག་ཅེས།།
རིགས་པས་བརྟགས་ན་རང་ཉིད་ཕམ།། ༡༨
བདག་ཉིད་སྐྱིད་དང་བདེ་འགྱུར་ན།།
གཞན་དག་གང་དང་ཅིར་གྱུར་ཀྱང་།།
ཅི་མི་སྙམ་པའི་སྙིང་ཁམས་ལ།།
ང་ང་ལས་གཞན་རྒྱུ་མཚན་གང་།། ༡༩
གཞན་གྱི་སྡུག་བསྔལ་སེལ་བ་དེ།།
ཁྱོད་ཀྱི་ཁུར་དུ་བབས་མིན་ན།།
མ་ཡིས་ཁྱོད་ཀྱི་སྡུག་བསྔལ་དག།
སེལ་བའི་ཚུལ་ལ་དྲན་པ་ཐོངས།། ༢༠
སེམས་ཅན་སྤྱོད་པ་ངན་ནོ་ཞེས།།
དེ་དག་ཁྱོད་ཀྱིས་སྤང་ཞེ་ན།།
ཁྱོད་ཀྱི་སྤྱོད་པའང་དེར་མཚུངས་པས།།
ཁྱོད་ཀྱང་ཁྱོད་ཀྱིས་སྤོང་བར་རིགས།། ༢༡
རང་ལ་སྡུག་བསྔལ་སྐད་ཅིག་ཙམ།།
བཟོད་མི་ནུས་དང་གཞན་དག་ནི།།
སྡུག་ལ་སྦྱོར་ཞིང་བདེ་བ་དག།
འཇོམས་པ་འཐད་མིན་རིགས་པས་དཔྱོད།། ༢༢
དྲིན་ཅན་དྲིན་དུ་མི་གཟོ་ན།།
ཡ་རབས་དམ་པའི་ཚུལ་ལས་འགོངས།།
དྲིན་དུ་མ་ཆེ་སུ་མེད་པས།།
རང་ཉིད་གང་དུ་གཏོགས་མིན་སོམས།། ༢༣
གཞན་གྱི་བདེ་སྡུག་སེམས་སེམས་པས།།
ཕན་པའམ་ཡང་ན་མ་ཕན་ཀྱང་།།
གནོད་པར་མི་འགྱུར་ཕན་སེམས་རྒྱས།།
རང་ལ་བཟང་ངན་རེ་དོགས་ཆད།། ༢༤
རང་གིས་ཕན་སེམས་གང་སྐྱེས་ཀྱང་།།
ཕན་པ་མེད་པར་མི་རིགས་ཏེ།།
ཅུང་ཟད་ཕན་ལ་བསྙོན་མེད་ཅིང་།།
བཟང་པོའི་འབྲེལ་བ་ངེས་པར་འཐོབ།། ༢༥
གཏན་འདུན་སྙིང་པོ་ལེན་བསམ་ན།།
ཕན་སེམས་ཀུན་གྱི་མཐར་ཐུག་དང་།།
མི་འདོད་ཀུན་ཀྱང་འཇོམས་མཛད་ཕྱིར།།
བྱང་ཆུབ་སེམས་ལ་ནན་ཏན་མཛོད།། ༢༦
བརྩེ་བའི་ས་བོན་ལྡན་མོད་ཀྱང་།།
སྒོམ་པས་སྤེལ་བར་མ་བྱས་ཕྱིན།།
གཞན་ཕན་མྱུ་གུ་མི་འབྱུང་སྟེ།།
བརླན་བྲལ་བྱང་གི་ནས་རྡོག་བཞིན།། ༢༧
བདག་གི་དོན་དུ་སྡུག་བཟོད་ལྟར།།
གཞན་ཕྱིར་སྐད་ཅིག་ཀྱང་མི་བཟོད།།
བདག་བདེ་སྟོང་གསུམ་ཚད་ཀྱང་ཉུང་།།
གཞན་ལ་རྡུལ་ཕྲན་ཙམ་ཡང་ཕངས།། ༢༨
ཕན་པ་ལན་གཅིག་བྱས་པ་ཡང་།།
ཚེ་མཐའི་བར་སྒྲོག་བདག་གི་སྤྱོད།།
རྒྱལ་བའི་གོ་འཕང་ལ་བཀོད་ཀྱང་།།
ལན་ལ་མི་རེ་རྒྱལ་བའི་སྲས།། ༢༩
དམ་པའི་ཆོས་ལ་འཇུག་ཁུལ་ཡང་།།
གཅེས་འཛིན་འདི་ཡིས་ལམ་མི་གཏོང་།།
ལུས་ངག་སྤྱོད་པ་རྣམ་དག་ཀྱང་།།
རྒྱལ་སྲས་སྤྱོད་པར་དེས་མ་བཙུད།། ༣༠
རྒྱུད་འདི་བྱམས་པས་བརླན་པ་ན།།
ཆགས་སྡང་རྩད་ནས་མ་གཞོམ་བླའི།།
སྐྱིད་ཀྱི་སྐྱ་རེངས་དེང་ནས་ཤར།།
གཏན་བདེའི་ཉེར་བསྡོགས་དེང་ནས་འགྲུབ།། ༣༡
བདག་གིས་བདག་དོན་ཁོ་ནར་སེམས།།
རྒྱལ་སྲས་རྣམས་ནི་བཟློག་སྟེ་སེམས།།
བདག་དོན་སེམས་པས་སྲིད་ཞིར་བཅིངས།།
བཟློག་སྟེ་སེམས་པས་དེ་ལས་གྲོལ།། ༣༢
སངས་རྒྱས་ཀུན་གྱི་དགོངས་པའི་མཐིལ།།
དམ་ཆོས་མཚོ་ཆེན་བསྲུབས་པའི་བཅུད།།
སེམས་མཆོག་བདུད་རྩི་དམ་པ་དེ།།
སོ་མེད་ན་ཡང་རྙིལ་གྱིས་བལྡད།། ༣༣
བརྟན་གཡོའི་ལེགས་ཚོགས་ཇི་སྙེད་པའི།།
གཞི་དང་རྟེན་དང་རྩ་བ་ནི།།
སྙིང་རྗེ་ཉིད་ཡིན་དེ་ཡི་ཕྱིར།།
དེ་ཀོ་སྐྱོབ་པ་བླ་ན་མེད།། ༣༤
འཇིག་རྟེན་བདེ་དགས་ཡོངས་ཁྱབ་ན།།
དེ་ཉིད་མི་འདོད་ཤེས་ལྡན་སུ།།
ཀུན་ཏུ་ཡིད་འོང་བྱམས་བརྩེའི་སེམས།།
ཀུན་ལ་འཕེལ་བས་ངེས་པར་འབྱུང་།། ༣༥
སྙིང་རྗེའི་ཡོན་ཏན་མང་ཐོས་ཤིང་།།
ཡིད་དཔྱོད་ཙམ་གྱིས་དོན་གོ་ཡང་།།
ལག་ལེན་ཉིན་མོའི་སྐར་མའི་མཆེད།།
བདག་ལ་ཐུགས་རྗེ་ཅན་གྱིས་གཟིགས།། ༣༦
ཕན་གནོད་ལན་དུ་ཕན་འདོགས་མཆོག།
ཕན་གནོད་ལན་དུ་ཕན་གནོད་ཕལ།།
གང་ཕྱིར་བརྩེ་དང་དེས་བསྐྱེད་སྤྱོད།།
ཡོད་དང་མེད་པའི་ཁྱད་པར་རོ།། ༣༧
བདེ་སྐྱིད་སེམས་ལ་ཐུག་གོ་ཞེས།།
བྱང་མོད་དེ་ཡི་རྒྱུ་མཚན་གང་།།
སེམས་ལ་བྱམས་བརྩེས་དབང་གྱུར་ན།།
བདེ་སྐྱིད་མ་འབོད་གཡང་དུ་ཁུག། ༣༨
རང་ཉིད་ནད་སོགས་གདུང་བའི་ཚེ།།
གཏན་ནས་མི་བཟོད་ཐར་འདོད་བཞིན།།
འགྲོ་བ་ཀུན་ལ་བཅོས་མིན་དུ།།
སྐྱེས་པའི་རྒྱལ་སྲས་ཨེ་མ་རྨད།། ༣༩
རང་གི་བདེ་སྡུག་རང་གི་དང་།།
གཞན་གྱི་བདེ་སྡུག་གཞན་གྱིའོ་ཞེས།།
བླང་དོར་ཕྱོགས་རིས་མི་འཐད་དེ།།
བདེ་སྡུག་ཡིན་ཕྱིར་བླང་དོར་མཚུངས།། ༤༠
སྡུག་བསྔལ་མི་འདོད་གཤིས་ལགས་མོད།།
སྡུག་བསྔལ་གང་གིས་བྱས་པ་དང་།།
སྡུག་བསྔལ་སྤང་ན་ཇི་ལྟར་སོགས།།
སྡུག་བསྔལ་རྒྱུ་དང་གཉེན་པོ་འཚོལ།། ༤༡
སྡུག་བསྔལ་རྒྱུ་དང་གཉེན་པོ་དག།
རང་གི་སྟེང་དུ་ངེས་པ་དེས།།
བློ་ཁ་གཞན་ལ་ཕྱོགས་པ་ན།།
སྙིང་རྗེའི་རོ་མཆོག་མྱོང་བར་འགྱུར།། ༤༢
སེམས་ཅན་ཀུན་ལ་རང་ཉིད་ཀྱིས།།
མ་བྱས་པར་ནི་བགྲངས་ཡས་པས།།
བརྩེ་བའི་ས་བོན་ཀུན་དང་འབྲེལ།།
ད་ནི་བརྩོན་པ་བསྟེན་ལ་རག། ༤༣
བདེ་བ་རྨི་ལམ་ཚུན་འདོད་ཀྱང་།།
དེ་རྒྱུ་ཟེར་རྗེས་འབྲངས་པ་འམ།།
སྒོ་ལྔའི་བདེ་རྒྱུ་ཙམ་གྱིས་འཁྲུལ།།
དེ་དག་མིང་གིས་བདེ་སྐྱིད་ཙམ།། ༤༤
རང་གཞན་མ་ལུས་བདེ་སྡུག་དང་།།
གཏན་དུ་སྦྱོར་དང་བྲལ་འདོད་པས།།
འཕྲལ་ཕུགས་གང་དུའང་མི་བསླུ་བའི།།
བྱམས་བརྩེའི་བསམ་པ་སྦྱང་བ་གཅེས།། ༤༥
རང་གིས་སྙིང་ནས་གང་འདོད་པ།།
བརྩེ་བས་མ་གྲུབ་མི་འདུག་པས།།
རང་དྲིན་རང་ལ་ཆེ་དགོས་ན།།
འཕྲལ་ཕུགས་ཁེ་པོགས་མ་ནོར་གཅེས།། ༤༦
དཀའ་ལ་དོན་ཆུང་ལས་འགའ་ཞིག།
གྲུབ་མིན་མ་བརྟགས་འཇུག་པ་མང་།།
སྐྱིད་ཀྱི་གཞི་མའི་སེམས་མཆོག་དེ།།
མི་ནུས་ཟེར་ནས་བཤོལ་འདི་ཅི།། ༤༧
གཞན་གྱི་ཕན་བདེར་རྟག་སེམས་པའི།།
རྒྱལ་སྲས་རྣམས་ནི་གང་གིས་འཇིགས།།
འཕུང་བྱེད་གདོན་གྱི་གཙོ་བོ་སྟེ།།
གཅེས་འཛིན་གདོན་ཆེན་ཟིལ་མནན་ཕྱིར།། ༤༨
རང་ཕྱིར་གཞན་དག་བདེར་འགོད་པ།།
ཉོ་ཚོང་འདྲ་བས་ངོ་མཚར་ཅི།།
ཅིར་ཡང་མི་རེ་གཞན་ཕན་ཉིད།།
དགོངས་པའི་བདག་ཉིད་ཆེ་རྣམས་རྨད།། ༤༩
གཞན་གྱིས་བརྩེ་བས་བལྟ་བ་ཙམ།།
དགའ་དང་སྐྱིད་པའི་གཞི་བྱས་པས།།
རང་རྒྱུད་ཡོངས་སུ་དེས་ཁེངས་ན།།
བདེ་སྐྱིད་མེད་ཅེས་སྨྱོན་པའི་ཚིག། ༥༠
བདེ་བ་ཐམས་ཅད་རང་གཞན་ཀུན།།
ཕན་ཚུན་བརྟེན་ནས་འབྱུང་བའི་ཕྱིར།།
ཀུན་ཀྱང་བདེ་ལ་རྟག་སྦྱོར་བའི།།
ལས་དེ་རང་གིས་བླང་བར་རིགས།། ༥༡
སྡུག་བསྔལ་ཐམས་ཅད་རང་གཞན་ཀུན།།
ཕན་ཚུན་བརྟེན་ནས་འབྱུང་བའི་ཕྱིར།།
ཀུན་ཀྱང་སྡུག་བསྔལ་གཏན་བསྒྲལ་བའི།།
ལས་དེ་རང་གིས་བླང་བར་རིགས།། ༥༢
ཐོག་མེད་དགྲ་བོ་བསྒྲལ་བསམ་ན།།
ཆགས་པའི་གོ་ས་བྱམས་པས་ཟུངས།།
ཁོང་ཁྲོ་བསྐྲད་ནས་བརྩེ་བ་ལོངས།།
གཏི་མུག་མཐར་བྱེད་ཤེས་རབ་སྐྱེད།། ༥༣
ལྟུང་བའི་དྲི་མས་དག་པ་ལ།།
དྲན་ཤེས་ནར་མར་བསྟེན་དགོས་མོད།།
ནང་ནས་སྙིང་རྗེའི་ཀློང་བརྡོལ་ན།།
ཚུལ་ཁྲིམས་ལྷོད་སྐབས་ག་ལ་ཞིག། ༥༤
ཕལ་པ་རང་དོན་ཕྲ་མོའི་ཕྱིར།།
གཞན་དག་སྡུག་ལ་སྦྱོར་བ་མང་།།
བདེ་གཤེགས་སྲས་རྣམས་གཞན་གྱི་ཕྱིར།།
ཀལྤར་སྡུག་བསྔལ་དང་དུ་ལེན།། ༥༥
བརྩེ་བས་ཕ་རོལ་བསླུ་མི་སྲིད།།
བྱམས་པས་མི་དགར་གྱུར་མི་སྲིད།།
བྱང་ཆུབ་སེམས་ཀྱིས་ཞུམ་མི་སྲིད།།
ཡང་དག་ལྟ་བས་གོལ་མི་སྲིད།། ༥༦
བདེ་ཀུན་སྙིང་རྗེའི་རྩ་བ་ཅན།།
དེས་སྐྱེས་དེ་ཡིས་རྒྱས་ལགས་པས།།
བདེ་སྡུག་རྒྱུ་ནི་གོ་ལོག་ཀྱང་།།
རང་དོན་སེམས་པ་ཡིན་ནོ་ལོ།། ༥༧
ཆོས་ཀྱི་སྙིང་པོ་རིན་ཆེན་སེམས།།
རྩ་བ་སྙིང་རྗེ་དེ་ངེས་འབྱུང་།།
མེད་ན་མི་འབྱུང་ངེས་པའི་ཕྱིར།།
ལམ་གྱི་གོ་རིམ་མ་འཆོལ་གནད།། ༥༨
རང་ཉིད་བདེ་ཕྱིར་གཞན་ལ་འཚེ།།
མི་འདོད་སྡུག་བསྔལ་རང་ལ་བབས།།
བརྩེ་བས་གཞན་ལ་ཕན་ནམ་མིན།།
རང་ཉིད་འཕྲལ་ཡུན་ཀུན་ཏུ་བདེ།། ༥༩
མཐོང་ཆོས་བདེ་བ་གཏན་གྱི་བདེར།།
རློམ་ཡང་རྟིང་མར་བསླུ་བའི་ཕྱིར།།
བདེ་སྐྱིད་ནང་ནས་འཚོལ་བསམ་ན།།
བྱམས་དང་བརྩེ་བ་ཨེ་སྐྱེད་ལྟོས།། ༦༠
ཆོས་ནི་ཕལ་དང་འདྲ་སྣང་ཙམ།།
ཉེས་སྤྱོད་ཕལ་ཆེར་སྦྱོར་དངོས་ཚང་།།
མ་རིག་པ་དང་གཅེས་འཛིན་ཟུང་།།
མགོ་འཕངས་སྲིད་རྩེར་སྙེག་པའི་རྟགས།། ༦༡
ཆོས་ལ་བག་ཆགས་འཇོག་བསམ་ན།།
བྱང་ཆུབ་སེམས་ལ་སྦྱོང་བར་མཛོད།།
ཆོས་ཀྱི་སྙིང་པོ་སློབ་སྙམ་ན།།
བྱང་ཆུབ་སེམས་ལ་སྦྱོང་བར་མཛོད།། ༦༢
ཆོས་ཀྱིས་གཞན་དོན་བྱ་འདོད་ན།།
བྱང་ཆུབ་སེམས་ལ་སྦྱོང་བར་མཛོད།།
ཆོས་ཀྱི་གཏིང་མཐའ་གཞལ་དགོས་ན།།
བྱང་ཆུབ་སེམས་ལ་སྦྱོང་བར་མཛོད།། ༦༣
སེམས་ཅན་གྲངས་ལས་འདས་པའི་ཕྱིར།།
ཀུན་གྱི་དོན་ཞིག་ཇི་ལྟར་ནུས།།
ངས་ཀྱང་རིམ་གྱིས་བྱས་ཟིན་ཅིང་།།
དཔག་མེད་བཞི་ཡིས་ཅིག་ཅརའང་ནུས།། ༦༤
བདེ་འདོད་སེམས་ཀྱི་ཟུར་ཆ་ནས།།
ནམ་ཡང་མི་གཏོང་ཟིན་མོད་ཀྱང་།།
གང་ལ་བརྟེན་ནས་བདེ་བྱུང་བའི།།
སེམས་ཅན་ཡལ་བར་བོར་བ་མཚར།། ༦༥
བརྒྱ་ཕྲག་དཀའ་བས་ལུས་སེམས་གཉིས།།
བསྟོད་པར་རེ་ནས་ཨ་ཐང་ཆད།།
རེ་དོགས་མེད་པར་མ་གྱུར་འགྲོའི།།
བདེ་སྡུག་སོམས་དང་བསྟོད་པས་བསུན།། ༦༦
སུ་ལའང་མ་ལྟོས་དོན་གྲུབ་ན།།
བརྩེ་བ་མི་དགོས་བདེན་དུ་ཆུག།
འོན་ཏེ་འདི་ནས་བྱང་ཆེན་བར།།
གཞན་བརྟེན་ཉིད་ཕྱིར་བརྩེ་བ་གཙོ།། ༦༧
རང་ཉིད་འཚོ་ཕྱིར་གཞན་གྱི་སྲོག།
འཕྲོག་ལ་མི་འཚེར་རྒྱན་དུ་ངོམ།།
གཞན་སྲོག་འཕྲལ་ནས་ངེས་པར་རང་།།
འཚོ་དགོས་པ་དེ་ཅི་ཡི་སླད།། ༦༨
རང་གིས་རང་ལ་རྨོངས་པ་ནི།།
བླུན་པོའི་ཕུལ་ཞེས་གྲགས་ན་ཡང་།།
སེམས་མཆོག་གཉིས་ཀྱི་དྲི་མེད་པས།།
མྱུར་ལམ་བརྩལ་དུ་འདོན་ལོ་ཅི།། ༦༩
དགེ་བ་འདི་ཡིས་འགྲོ་བ་ཀུན།།
སྡུག་བསྔལ་མཚོ་ཆེན་ལས་བསྒྲལ་ཏེ།།
ཞི་བསིལ་གཏན་བདེའི་གླིང་ཆེན་ལ།།
འགོད་པའི་བྱེད་པོར་བདག་གྱུར་ཅིག། ༧༠
