ྋགོང་ས་མཆོག་འབེལ་ཇམ་དུ་མཛད་འཕྲིན་ཞིག་གི་སྐབས་སུ། མཇལ་ཞུ་བའི་ཁྲོད་ནས་ལག་པ་མདུན་དུ་རྐྱང་བཞིན་་ཡུན་རིང་སྒུག ཁོ་ནི་རྒྱ་མི་ཞིག་རེད།
རྒྱ་མི་དད་པ་ཅན། “ང་ནི་གཏན་ལོང་ཞིག་ཡིན། ཡིན་ཡང་ངས་རྟག་ཏུ་ཁྱེད་ཀྱི་གསུང་ལ་ཉམས་སུ་རོལ་བཞིན་ཡོད། དེས་ང་ལ་བྱིན་པའི་བདེ་བ་དང་ཚོར་སྣང་ནི། མི་སེམས་འགུལ་བ་ཞིག་རེད། ངའི་སེམས་སུ། ཁྱེད་ཀྱི་བྱིན་རླབས་ནི་བསམ་གྱི་མི་ཁྱབ་པ་ཞིག་སྟེ། ཁྱེད་ཀྱིས་མཛད་པའི་ལེགས་བཤད་དེ་རྣམས་ངས་བཟའ་ཟླ་དང་བུ་ཕྲུག་གི་ངག་ནས་ཐོས་དུས། དཀོན་མཆོག་གི་བདེན་པའི་གསུང་ཞིག་རྣ་བར་ཐོས་པའི་ཚོར་སྣང་སྐྱེས། ངས་ཁོ་ཚོར། ཁོང་གི་ཞལ་རས་གང་འདྲ་ཞིག་འདུག་གམ། འདི་ལྟར་དྲིས་དུས། ཁྱེད་ཀྱི་ཞལ་ནི་འཛུམ་མདངས་ལྡན་པ་ཞིག བྱམས་བརྩེ་ལྡན་པ་ཞིག ཆོབ་ཚ་པོ་ཞིག ཁོ་ཚོའི་ལན་འདི་དག་གིས་ངའི་སེམས་སུ་ཁྱེད་མཇལ་འདོད་ཀྱི་འདུན་པ་ཧ་ཅང་འཕེལ། ངའི་ཐབས་ལམ་ཉག་ཅིག་ནི་ཁྱེད་ཀྱི་བཞིན་རས་ལ་རེག་ནས་ཚོར་སྣང་ལ་བལྟ་རྒྱུ་དེ་ཡིན། ཆོག་གམ།”
ྋགོང་ས་མཆོག “ལོས་ཆོག”
སྤྱན་ཤེལ་མར་ཕུད་ནས་ཕྱག་གཉིས་ཀྱིས་ཁོ་པའི་ལག་པ་བཞིན་རས་ལ་བྱིལ་བྱིལ་བྱེད་དུ་འཇུག །གློ་བུར་དུ་ཁོ་ངུས་སོང་། མིག་ཀོང་ནས་འཆི་མ་འཛར་བཞི།
“ཁྱེད་ནི་ངའི་སེམས་ལ་རྟག་ཏུ་བྱིན་རླབས་གནང་བའི་དཀོན་མཆོག་དེ་ག་རང་རེད། དངོས་གནས་རེད།”
གཡས་གཡོན་གྱི་མི་ཚོར་ཡང་ཁོས། “དངོས་གནས་རེད་་་ཁོང་ངའི་དཀོན་མཆོག་དེ་རེད།”
ྋགོང་ས་མཆོག་ནས་བྱམས་བརྩེ་ཆེན་པོས་ཁོ་པར་བྱིན་རླབས་གནང་། གཡས་གཡོན་གྱི་མི་མང་པོ་ངུ་བཞིན་འདུག དེ་མཚམས་ནས་ཉེན་སྲུང་བས་ཕེབས་བརྡ་ཕུལ་བས་ཕར་ཕེབས་སོང་།
མཐར་ཁོས། “ང་ལ་འགྱོད་པ་མེད། ད་ཡིན་ན་འགྱོད་པ་རྩ་བ་ནས་མེད།”
ཁོ་ནི་འདི་ལྟར་དགའ་ཚོར་གྱིས་མྱོས་བཞིན་འདུག
No comments:
Post a Comment