༄༅། །ནམོམུཎེནྡྲཡ། འདིར་སེམས་ཉི་ཤུའི་མཚུངས་པ་དེ་མ་ཐག་རྐྱེན་དང་ཐག་འབྲས་སྦྱར་བའི་ཚིགས་བཅད་རྒྱལ་སྲས་མ་བྱུང་བ་རྣམས་བཀོད་ནས་བརྩི་བར་འདོད་པས། དེ་ལ་སྡོམ་བྱང་ནི།
འདོད་དགེ་སྦྱོར་བྱུང་བ་ལས་བཅུ༎
དེ་བརྒྱད་ལས་དགེ་གཞན་ལས་ནི༎
དགུ་སྟེ་དེ་ནི་བཅུ་གཅིག་ལས༎
ཉོན་མོངས་པ་ཅན་ལས་བདུན་ཏེ༎
དེ་དག་སོ་སོར་བཅུ་བཞི་ལས༎
སྤྱོད་ལམ་རྣམ་སྨིན་སྐྱེས་ལས་བརྒྱད༎
དེ་དག་བདུན་ལས་བཟོའི་གནས་ལས༎
དྲུག་སྟེ་དེ་ནི་བདུན་ལས་སོ༎
སྤྲུལ་པ་ལས་གཉིས་དེ་གཉིས་ལས༎
༡༽ འདོད་པའི་དགེ་སེམས་སྦྱོར་བྱུང་ལས་སེམས་བཅུ་འབྱུང་སྟེ། རྒྱུན་དང་ས་མཚུངས་ཀྱི་ཚེ་སྤྲུལ་སེམས་མ་གཏོགས་པ་རང་གིས་པ་བདུན་དང༌། སྙོམས་པར་འཇུག་པའི་ཚེ་གཟུགས་ཀྱི་སྦྱོར་བྱུང་དང༌སློབ་མི་སློབ་གཉིས་བཅས་སོ༎ འདོད་པའི་དགེ་སེམས་སྦྱོར་བྱུང་དེ་ནི་སེམས་བརྒྱད་ཀྱི་མཇུག་ཐོགས་སུ་འབྱུང་སྟེ། རྒྱུན་དང་ས་མཚུངས་ཀྱི་ཚེ་རང་སའི་དགེ་བ་གཉིས་དང༌། མི་དགེ་བ། བསྒྲིབས་སེམས་དང་བཞི། སྙོམས་འཇུག་ཉོན་མོངས་ཅན་གྱིས་གཟིར་བའི་ཚེ་གཟུགས་ཀྱི་བསྒྲིབས་སེམས། སྙོམས་འཇུག་ལས་ལྡང་བའི་ཚེ་གཟུགས་ཀྱི་སྦྱོར་བྱུང་དང་སློབ་མི་སློབ་རྣམས་ལས་སོ༎
༢༽ འདོད་པའི་དགེ་སེམས་སྦྱོར་བྱུང་ལས་གཞན་སྐྱེས་ཐོབ་ལས་ནི་སེམས་དགུ་འབྱུང་སྟེ། རྒྱུན་དང་ས་མཚུངས་ཀྱི་ཚེ་སྤྲུལ་སེམས་མ་གཏོགས་པ་རང་གི་ས་པ་བདུན་དང༌། ཉིང་མཚམས་སྦྱོར་བའི་ཚེ་གཟུགས་གཟུགས་མེད་བསྒྲིབས་སེམས་རྣམས་སོ༎ འདོད་པའི་དགེ་བ་སྐྱེས་ཐོབ་དེ་ནི་སེམས་བཅུ་གཅིག་ལས་འབྱུང་སྟེ། སྔ་མ་བཞིན་དུ་རྒྱུན་དང་ས་མཚུངས་ཀྱི་ཚེ་རང་གི་བདུན་དང༌། སྙོམས་འཇུག་ལས་ལྡང་བའི་ཚེ་གཟུགས་ཀྱི་དགེ་བ་སྦྱོར་བྱུང༌། སློབ་མི་སློབ་གསུམ་དང་། སྙོམས་འཇུག་ཉོན་མོངས་ཅན་གྱི་གཟིར་བའི་ཚེ་གཟུགས་ཀྱི་བསྒྲིབས་སེམས་རྣམས་ལས་སོ༎
༣༽ ༤༽ འདོད་པའི་ཉོན་མོངས་པ་ཅན་གྱི་སེམས་མི་དགེ་བ་དང་བསྒྲིབས་ལུང་མ་བསྟན་ལས་བདུན་འབྱུང་བ་ཡིན་ཏེ། སྔ་མ་བཞིན་དུ་རང་གི་དག་ཁོ་ནའོ༎ གཉིས་པོ་དེ་དག་ནི་ སོ་སོར་སེམས་བཅུ་བཞི་ལས་འབྱུང་སྟེ། སྤྲུལ་སེམས་མ་གཏོགས་རང་སའི་བདུན་དང༌། སྦྱོར་བྱུང་དང༌སྤྲུལ་སེམས་མ་གཏོགས་གཟུགས་ཀྱི་བཞི་དང༌། སྦྱོརབྱུང་བ་མ་གཏོགས་པ་གཟུགས་མེད་ཀྱི་གསུམ་ལས་སོ༎
༥༽ ༦༽ འདོད་པའི་སྤྱོད་ལམ་པ་དང་རྣམ་སྨིན་སྐྱེས་ལས་བརྒྱད་འབྱུང་སྟེ། ། སྦྱོར་བྱུང་བ་དང༌སྤྲུལ་སེམས་མ་གཏོགས་པ་རང་སའི་དྲུག་དང༌། གཟུགས་གཟུགས་མེད་བསྒྲིབས་སེམས་རྣམས་སོ༎ གཉིས་པོ་དེ་དག་ནི་སེམས་བདུན་ལས་འབྱུང་སྟེ། སྤྲུལ་སེམས་མ་གཏོགས་པ་རང་སའི་སེམས་་བདུན་ཁོ་ན་ལས་སོ༎
༧༽ བཟོའི་གནས་ལས་སེམས་དྲུག་འབྱུང་སྟེ། སྦྱོར་བྱུང་བ་དང༌སྤྲུལ་སེམས་མ་གཏོགས་པ་རང་སའི་དྲུག་ཁོ་ནའོ༎ བཟོ་སེམས་དེ་ནི་བདུན་གྱི་མཇུག་ཐོགས་སུ་འབྱུང་སྟེ། སྤྲུལ་སེམས་མ་གཏོགས་པ་རང་སའི་སེམས་་བདུན་ཁོ་ན་ལས་སོ༎
༨༽ འདོད་པའི་སྤྲུལ་པ་ལས་གཉིས་ཏེ། འདོད་པའི་སྤྲུལ་སེམས་དང་གཟུགས་ཀྱི་དགེ་བ་སྦྱོར་བྱུང་གཉིས་སོ༎ འདོད་པའི་སྤྲུལ་སེམས་དེ་ཡང་འདོད་པའི་སྤྲུལ་སེམས་དང་གཟུགས་ཀྱི་དགེ་བ་སྦྱོར་བྱུང་དེ་གཉིས་པོ་ཁོ་ན་ལས་འབྱུང་ངོ་༎
གཟུགས་ན་སྦྱོར་བྱུང་དགེ་བ་ལས༎
བཅུ་གཉིས་དེ་ནི་བཅུ་ལས་སོ༎
མ་འབད་བྱུང་དགེ་ལས་བརྒྱད་དེ༎
ལྔ་ལས་ཉོན་མོངས་ཅན་ལ་དགུ༎
དེ་ནི་བཅུ་གཅིག་ལས་ཡིན་ཏེ༎
སྤྱོད་ལམ་རྣམ་སྨིན་སྐྱེས་ལས་བདུན༎
གཉིས་པོ་དེ་ནི་ལྔ་ལས་སོ༎
མངོན་ཤེས་འབྲས་ལས་སེམས་གཉིས་ཏེ༎
དེ་བཞིན་དེ་ནི་གཉིས་ཉིད་ལས༎
༩༽ གཟུགས་ན་སྤྱོད་པའི་དགེ་བ་སྦྱོར་བྱུང་ལས་སེམས་བཅུ་གཉིས་འབྱུང་བ་ཡིན་ཏེ། འདོད་པའི་དགེ་བ་གཉིས་དང༌སྤྲུལ་སེམས། རང་སའི་སེམས་དྲུག །གཟུགས་མེད་ཀྱི་དགེ་བ་སྦྱོར་བྱུང༌། སློབ་མི་སློབ་རྣམས་སོ༎ གཟུགས་ཀྱི་དགེ་བ་སྦྱོར་བྱུང་དེ་ནི་སེམས་བཅུའི་མཇུག་ཐོགས་སུ་འབྱུང་སྟེ། འདོད་པའི་དགེ་བ་སྦྱོར་བྱུང་དང༌སྤྲུལ་སེམས། རང་སའི་སྤྱོད་ལམ་པ་དང༌རྣམ་སྨིན་སྐྱེས་གཉིས་མ་གཏོགས་པ་བཞི། གཟུགས་མེད་དགེ་བ་སྦྱོར་བྱུང་དང༌བསྒྲིབས་སེམས། སློབ་མི་སློབ་རྣམས་ལས་སོ༎
༡༠༽ གཟུགས་ཀྱི་མ་འབད་པར་བྱུང་བའི་དགེ་བ་སྐྱེས་ཐོབ་ལས་སེམས་བརྒྱད་འབྱུང་སྟེ། མི་དགེ་བ་དང་འདོད་པའི་བསྒྲིབས་སེམས། རང་སའི་སྤྲུལ་སེམས་་མ་གཏོགས་པའི་སེམས་ལྔ། གཟུགས་མེད་ཀྱི་བསྒྲིབས་སེམས་རྣམས་སོ༎ གཟུགས་ཀྱི་དགེ་བ་སྐྱེས་ཐོབ་དེ་སེམས་ལྔ་ལས་འབྱུང་སྟེ། རང་སའི་སྤྲུལ་སེམས་་མ་གཏོགས་པའི་སེམས་ལྔ་ཁོ་ན་ལས་སོ༎
༡༡༽ གཟུགས་ཀྱི་བསྒྲིབས་ལ་ལུང་མ་བསྟན་གྱི་སེམས་ཉོན་མོངས་ཅན་ལས་སེམས་དགུ་འབྱུང་སྟེ། འདོད་པའི་དགེ་བ་གཉིས་དང་་མི་དགེ་བ་དང་བསྒྲིབས་སེམས་སྟེ་བཞི་དང༌། རང་སའི་སྤྲུལ་སེམས་མ་གཏོགས་པ་ལྔའོ༎ གཟུགས་ཀྱི་བསྒྲིབས་སེམས་དེ་ནི་སེམས་བཅུ་གཅིག་ལས་འབྱུང་བ་ཡིན་ཏེ། འདོད་པའི་དགེ་བ་སྐྱེས་ཐོབ་དང༌། མ་བསྒྲིབས་ལུང་མ་བསྟན་གྱི་སེམས་སྤྱོད་ལམ་པ་དང༌རྣམ་སྨིན་སྐྱེས་སྟེ་གསུམ་དང༌། རང་སའི་སྤྲུལ་སེམས་་མ་གཏོགས་པའི་སེམས་ལྔ་དང༌། གཟུགས་མེད་ཀྱི་དགེ་བ་སྐྱེས་ཐོབ་དང་། བསྒྲིབས་སེམས། སྣམ་སྨིན་སྐྱེས་སྟེ་གསུམ་ལས་སོ༎
༡༢༽ ༡༣༽ གཟུགས་ཀྱི་མ་བསྒྲིབས་ལུང་མ་བསྟན་གྱི་སེམས་སྤྱོད་ལམ་པ་དང་རྣམ་སྨིན་སྐྱེས་ལས་བདུན་བདུན་འབྱུང་བ་ཡིན་ཏེ། འདོད་པའི་མི་དགེ་བ་དང་བསྒྲིབས་སེམས་གཉིས། རང་སའི་དགེ་བ་སྦྱོར་བྱུང་དང༌སྤྲུལ་སེམས་མ་གཏོགས་པ་སེམས་བཞི། གཟུགས་མེད་བསྒྲིབས་སེམས་སོ༎ གཉིས་པོ་དེ་ནི་ལྔ་ལས་འབྱུང་སྟེ། རང་སའི་སྤྲུལ་སེམས་་མ་གཏོགས་པའི་སེམས་ལྔ་ཁོ་ན་ལས་སོ༎
༡༤༽ གཟུགས་ཀྱི་མངོན་པར་ཤེས་པའི་འབྲས་བུ་སྤྲུལ་སེམས་ལས་སེམས་གཉིས་འབྱུང་བ་ཡིན་ཏེ། རང་སའི་དགེ་བ་་སྦྱོར་བྱུང་དང༌སྤྲུལ་སེམས་གཉིས་ཁོ་ནའོ༎ དེ་བཞིན་དུ་སྤྲུལ་སེམས་དེ་ཡང་ནི་རང་སའི་དགེ་བ་་སྦྱོར་བྱུང་དང༌སྤྲུལ་སེམས་གཉིས་ཉིད་ལས་འབྱུང་ངོ་༎
གཟུགས་མེད་འབད་བྱུང་དགེ་ལས་བདུན༎
དེ་ནི་དྲུག་པོ་ཁོ་ན་ལས༎
མ་འབད་བྱུང་བའི་དགེ་ལས་བདུན༎
དེ་བཞིན་ལས་གཞན་བརྒྱད་པ་ནི༎
ཉོན་མོངས་ཅན་ལས་དེ་བཅུ་ལས༎
རྣམ་སྨིན་སྐྱེས་ལས་རྣམ་དྲུག་སྟེ༎
བཞི་ལས་་་་་་་་་་་་་་་་་་་་་་་་་་་་་་་་་༎
༡༥༽ གཟུགས་མེད་ཀྱི་འབད་པ་ལས་བྱུང་བའི་དགེ་བ་སྦྱོར་བྱུང་ལས་སེམས་བདུན་འབྱུང་སྟེ། གཟུགས་ཀྱི་དགེ་བ་སྦྱོར་བྱུང་། རང་སའི་་བཞི། སློབ་མི་སློབ་རྣམས་སོ༎ གཟུགས་མེད་ཀྱི་དགེ་བ་སྦྱོར་བྱུང་དེ་ནི་སེམས་དྲུག་པོ་ཁོ་ན་ལས་འབྱུང་སྟེ། གཟུགས་ཀྱི་དགེ་བ་སྦྱོར་བྱུང་ དང༌། རང་སའི་རྣམ་སྨིན་སྐྱེས་མ་གཏོགས་པ་སེམས་གསུམ། སློབ་མི་སློབ་རྣམས་ལས་སོ༎
༡༦༽ གཟུགས་མེད་ཀྱི་མ་འབད་པ་ལས་བྱུང་བའི་དགེ་བ་སྐྱེས་ཐོབ་ལས་སེམས་བདུན་འབྱུང་སྟེ། མི་དགེ་བ་དང་འདོད་པའི་བསྒྲིབས་སེམས། གཟུགས་ཀྱི་ བསྒྲིབས་སེམས། རང་སའི་བཞི་རྣམས་སོ༎ གཟུགས་མེད་ཀྱི་དགེ་བ་སྐྱེས་ཐོབ དེ་ནི་རང་སའི་བཞི་པོ་ཁོ་ན་ལས་འབྱུང་བས་སྔ་མ་ལས་གཞན་ཡིན་ནོ༎
༡༧༽ བརྒྱད་པོ་ནི་གཟུགས་མེད་ཀྱི་ཉོན་མོངས་ཅན་གྱི་བསྒྲིབས་སེམས་ལས་འབྱུང་བ་ནི། འདི་ལྟ་སྟེ། མི་དགེ་བ་དང་འདོད་པའི་བསྒྲིབས་སེམས། གཟུགས་ཀྱི་དགེ་བ་སྦྱོར་བྱུང་དང་བསྒྲིབས་སེམས། རང་སའི་བཞི་རྣམས་སོ༎ གཟུགས་མེད་ཀྱི་བསྒྲིབས་སེམས་དེ་ནི་སེམས་བཅུ་ལས་འབྱུང་སྟེ། འདོད་གཟུགས་ཀྱི་དགེ་བ་སྐྱེས་ཐོབ་དང༌། སྤྱོད་ལམ་པ། རྣམ་སྨིན་སྐྱེས་ཏེ་དྲུག་དང་། རང་སའི་བཞི་རྣམས་ལས་སོ༎
༡༨༽ གཟུགས་མེད་པའི་རྣམ་སྨིན་སྐྱེས་ཀྱི་སེམས་ལས་སེམས་རྣམ་པ་དྲུག་འབྱུང་སྟེ། མི་དགེ་བ་དང་འདོད་པའི་བསྒྲིབས་སེམས། གཟུགས་ཀྱི་བསྒྲིབས་སེམས། རང་སའི་དགེ་བ་སྦྱོར་བྱུང་མ་གཏོགས་པའི་སེམས་གསུམ་མོ༎ གཟུགས་མེད་པའི་རྣམ་སྨིན་སྐྱེས་ཀྱི་སེམས་དེ་ནི་སེམས་བཞི་ལས་འབྱུང་སྟེ། རང་སའི་བཞི་པོ་ཁོ་ན་ལས་སོ༎
་་་་་་་་་་་སློབ་པ་ལས་དྲུག་གོ།
དེ་ནི་བཞི་པོ་ཁོ་ན་ལས༎
མི་སློབ་པ་ལ་ལྔ་དེ་ཡང༌༎
ལྔ་པོ་དག་གི་མཇུག་ཐོགས་སུ༎
༡༩༽ སློབ་པའི་སེམས་ལས་དྲུག་འབྱུང་སྟེ། ཁམས་གསུམ་པའི་དགེ་བ་སྦྱོར་བྱུང་གསུམ་དང༌། འདོད་པའི་སྐྱེས་ཐོབ། སློབ་པ་དང༌མི་སློབ་པའི་སེམས་ཏེ་དྲུག་གོ། སློབ་སེམས་དེ་ནི་བཞི་ལས་འབྱུང་སྟེ། ཁམས་གསུམ་པའི་དགེ་བ་སྦྱོར་བྱུང་གསུམ་དང༌། སློབ་པ་སྟེ་དེ་དག་ཁོ་ན་ལས་སོ༎
༢༠༽ མི་སློབ་པའི་སེམས་ལ་སེམས་ལྔ་འབྱུང་སྟེ། ཁམས་གསུམ་པའི་དགེ་བ་སྦྱོར་བྱུང་གསུམ་དང༌། འདོད་པའི་སྐྱེས་ཐོབ། མི་སློབ་པའི་སེམས་ཏེ་ལྔའོ༎ མི་སློབ་པའི་སེམས་དེ་ཡང་ལྔ་པོ་དག་གི་མཇུག་ཐོགས་སུ་འབྱུང་སྟེ། ཁམས་གསུམ་པའི་དགེ་བ་སྦྱོར་བྱུང་གསུམ་དང༌། སློབ་པ་དང༌མི་སློབ་པའི་སེམས་ཏེ་ལྔ་ལས་སོ༎
ཞེས་པའང་ཤྲཱི་མིང་པས་ཕྱི་ལོ་ ༢༠༢༠ ཟླ་བ་ ༨ ཚེས་ ༧ ལ་ཐའེ་ཝན་མཚོ་གླིང་དུ་སྦྱར་རོ༎ །།
