ལམ་རིམ་བསྡུས་དོན་གྱི་བརྡ་བཀྲོལ།

• འཛམ་གླིང་། རི་རབ་ཀྱི་ལྷོ་ན་ཤིང་འཛམ་བུས་མཚོན་པ་དང་མཐའ་ཆུས་འཁོར་ཞིང་རང་གི་ངོ་བོ་སྐམ་སར་གནས་པས་འཛམ་བུའི་གླིང་སྟེ། (མཆིམས་མཛོད།) 

• མཁས་པ། ཐོས་བསམ་ཕྱོགས་སུ་མ་སོང་ཞིང་༎ གཞུང་ལུགས་གདམས་པར་ཤར་བ་ཡིས༎ མཉན་འོས་རིགས་པའི་ལམ་སྨྲ་བ༎ དེ་ཉིད་ལ་ནི་མཁས་པ་ཟེར༎ (ལྕང་སྐྱ་གྲུབ་མཐའ།)

• བ་དན། སྲོག་ཆགས་ཀྱི་མཚན་མ་མེད་པའི་འཕེན་ནོ༎

• བྱང་ཆུབ་ལམ་རིམ། རྫོགས་པའི་བྱང་ཆུབ་སངས་རྒྱས་ཀྱི་སར་བགྲོད་པའི་ལམ་ཇི་ལྟར་ཉམས་སུ་ལེན་ཚུལ་གྱི་རིམ་པ་བསྟན་པའི་གཞུང་། 

• སྐྱེ་དགུ། སྐྱེ་བོ་ཡོད་དོ་ཅོག

• གདམས་པ། མངོན་མཐོ་དང་ངེས་ལེགས་སྒྲུབ་པའི་ཐབས་མ་ནོར་བར་སྟོན་པའི་ངག་གམ་གཞུང་། 

• རིན་ཆེན་དབང་གི་རྒྱལ་པོ། ནོར་བུའི་རིགས་ཤིག

• དཔལ་ལྡན། དཔལ་ཞེས་བྱ་བ་ནི་ཕུན་སུམ་ཚོགས་པ་ལ་བྱའོ༎ དེ་ཡང་འཇིག་རྟེན་དང་འཇིག་རྟེན་ལས་འདས་པའོ༎ འཇིག་རྟེན་གྱི་དཔལ་ནི་ལྷ་དང་མིའི་འབྱོར་པ་ཐམས་ཅད་དང་ལྡན་པའོ༎ འཇིག་རྟེན་ལས་འདས་པ་ནི་སངས་རྒྱས་ཀྱི་ཡོན་ཏན་ཐམས་ཅད་ལ་བྱའོ༎ དེ་གཉིས་དང་ལྡན་པས་དཔལ་ལྡན་ཞེས་བྱའོ༎ (བདེ་བ་ཆེན་པོའི་སྒྲུབ་ཐབས་རྣམ་བཤད།)

• ལེགས་བཤད། ལེགས་བཤད་ཅེས་བྱ་བ་སྟེ། བདེ་བླག་ཏུ་རྟོགས་པའི་ཐབས་སྟོན་ཅིང་གང་བརྗོད་པ་དེ་ནི་ལེགས་པར་བཤད་པའོ༎ (ཚོམས་འགྲེལ་ལས་སོ༎)

• བསྟན་པ། (སྤྱིར་ལུང་རྟོགས་གཉིས་ཡོད་ཀྱང་།)སྐབས་འདིར་རྒྱལ་བས་ལེགས་པར་བཤད་པ་ཇི་སྙེད་པའོ༎ (ལམ་རིམ་ཆེན་མོ།)

• གསུང་རབ། སྐྱེ་བོ་སྐལ་བ་དང་ལྡན་པ་འཁོར་བའི་བཙོན་རར་ཚུད་པ་ཚེ་རབས་བརྒྱུད་པས་བསྒྲིབས་པ་དག་རབ་ཏུ་ཐར་བར་མཛད་པའི་གསུང་གང་ཡིན་པ་དེ་ནི་གསུང་རབ་པོ།། ཤེས་རབ་སྒྲོན་མ་རྒྱ་ཆེར་འགྲེལ།

• རྒྱལ་བ། སྒྲིབ་གཉིས་ཀྱི་གཡུལ་ལས་རྒྱལ་བ་སྟེ། སངས་རྒྱས།

• བདེ་བླག   བདེ་བླག་ཏུ་སྟེ་ཚེགས་ཆུང་ངུས་རྟོགས་པ། (གསེར་ཕྲེང་།)

• ཉེས་སྤྱོད། སྡིག་པ་མི་དགེ་བ།

• ལྐལ་ལྡན། སྐལ་ལྡན་ཞེས་བྱ་བ་ནི་ལྷན་ཅིག་སྐྱེས་པའི་ཤེས་རབ་བམ། རིགས་ཕུན་སུམ་ཚོགས་པས་སོ༎ (ཚད་མ་རྒྱན་གྱི་འགྲེལ་བཤད།)

• སྐྱེས་བུ་གསུམ། ལམ་ལ་སློབ་པའི་རྒྱུད་ཚོད་ལ་ལྟོས་ནས་བཞག་པའི་སྐྱེས་བུ་ཆུང་འབྲིང་ཆེ་གསུམ་སྟེ། ལམ་སྒྲོན་ལས། གང་ཞིག་ཐབས་ནི་གང་དག་གིས༎ འཁོར་བའི་བདེ་བ་ཙམ་དག་ལ༎ རང་ཉིད་དོན་དུ་གཉེར་བྱེད་པ༎ དེ་ནི་སྐྱེས་བུ་ཐ་མར་ཤེས༎ སྲིད་པའི་བདེ་ལ་རྒྱབ་ཕྱོགས་ཤིང་༎ སྡིག་པའི་ལས་ལས་ལྡོག་བདག་ཉིད༎ གང་ཞིག་རང་ཞི་ཙམ་དོན་གཉེར༎ སྐྱེས་བུ་དེ་ནི་འབྲིང་ཞེས་བྱ༎ རང་རྒྱུད་གཏོགས་པའི་སྡུག་བསྔལ་གྱིས༎ གང་ཞིག་གཞན་གྱི་སྡུག་བསྔལ་ཀུན༎ ཡང་དག་ཟད་པར་ཀུན་ནས་འདོད༎ སྐྱེས་བུ་དེ་ནི་མཆོག་ཡིན་ནོ༎ ཞེས་གསུངས། 

• ཐུན། ཐུན་ཞེས་བྱ་བ་ནི་དུས་དྲུག་ལས་དུས་གཅིག་གོ། (དགོངས་འགྲེལ་རྒྱ་ནག་འགྲེལ་ཆེན།)

• རླབས་ཆེན། ནུས་པ་དང་ཡོན་ཏན་སོགས་ཧ་ཅང་ཆེན་པོ། ནུས་སྟོབས་ཆེ་བ། ལས་ཆོད་ཆེ་བ།

• རྟེན་འབྲེལ། ལྟོས་ནས་གྲུབ་པ། 

• རྩ་བ། རྩ་བ་ཞེས་བྱ་བ་ནི་སྐྱེས་པའི་གཞིའོ༎ (ཚོམས་ཀྱི་འགྲེལ་པ།)

• བཤེས་གཉེན། དགེ་བའི་བཤེས་གཉེན་ཞེས་བྱ་བ་ནི་ཕན་པ་ཉེ་བར་སྟོན་པའོ༎ (ལུང་རྣམ་འབྱེད་ཀྱི་འགྲེལ་པ།) 

• སྲོག   སྲོག་ནི་ཚེ་ཡིན་དྲོད་དང་ནི༎ རྣམ་ཤེས་རྟེན་གང་ཡིན་པ་འོ༎ (ཆོས་མངོན་པ་མཛོད།)

• མཆོད་པ། མཆོད་པ་ཞེས་བྱ་བ་ནི། བཀུར་བའི་གནས་སུ་གྱུར་པ་རྣམས་ལ་སྒོ་གསུམ་ནས་བཀུར་ཞིང་མཆོད་པ་དང་། རྫས་ཀྱི་སྒོ་ནས་ཀྱང་མཉེས་པར་བྱས་པའི་ལས་ཀྱི་བདག་ཉིད་དེ། (གསང་སྙིང་འགྲེལ་པ།)

• རྣལ་འབྱོར་པ། རྣལ་འབྱོར་པ་ཞེས་བྱ་བ་ནི་སྟོང་པ་ཉིད་ལ་དམིགས་པའམ། འཕགས་པའི་བདེན་པ་བཞི་ལ་དམིགས་པའི་ཞི་གནས་དང་ལྷག་མཐོང་ཟུང་དུ་འབྲེལ་པར་འཇུག་པ་རང་གི་ངང་གིས་འཇུག་པ་དང་ལྡན་པ་ནི་རྣལ་འབྱོར་པ་སྟེ། དེ་སུ་དག་ལ་ཡོད་པ་དེ་དག་ནི་རྣལ་འབྱོར་པའོ༎ (ཐེག་བསྡུས་བཤད་སྦྱར།)

• དལ་བའི་རྟེན། མི་ཁཔམ་པ་བརྒྱད་དང་བྲལ་བས། ཆོས་བྱེད་པ་ལ་དལ་བའམ་ཁོམ་པའི་མིའི་ལུས་རྟེན་ཁྱད་པར་ཅན།

• ཡིད་བཞིན་ནོར་བུ། ཚེ་འདིའི་རེ་འདོད་ཡིད་བཞིན་དུ་སྐོང་བའི་ནོར་བུ་ཞིག 

• ནམ་མཁའི་གློག བར་སྣང་དུ་སྤྲིན་འཐབས་པ་ལས་བྱུང་བའི་གློག 

• སྦུན་པ། འབྲུ་རིགས་ཀྱི་ཕྱི་ཤུན། 

• ངན་འགྲོ། སྡུག་བསྔལ་ཆེ་ཞིང་མང་བས་སྐྱེ་གནས་ངན་པར་སྐྱེས་པའི་འགྲོ་བའམ་གང་ཟག་སྟེ། དམྱལ་བ། ཡི་དྭགས། དུད་འགྲོ་གསུམ།

• དཀོན་མཆོག་གསུམ། དཀོན་པ་དང་། ་རིན་ཆེ་བ་དང་། དགའ་བར་བྱེད་པ་དང་། ཕན་འདོགས་པ་དང་། གནོད་པ་སེལ་བའི་མཆོག་ཏུ་གྱུར་པའི་སྒོ་ནས་ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བས་ན། དཀོན་མཆོག་སྟེ། སངས་རྒྱས་དང་། ཆོས་དང་། དགེ་འདུན་དཀོན་མཆོག་གསུམ་མོ༎ 

• སྐྱབས་འགྲོ། འཇིགས་བྱ་གང་ཡང་རུང་བ་ལ་འཇིགས་ཏེ། དེ་ལས་སྐྱོབ་པའི་ནུས་པ་དཀོན་མཆོག་ལ་ཡིད་ཆེས་པའི་སྒོ་ནས་སྙིང་ཐག་པ་ནས་རེ་ལྟོས་འཆའ་བའི་བློ།

• བསླབ་བྱ། བླང་དོར་གང་འོས་པ་བཞིན་ལག་ཏུ་བླང་བར་བྱ་བ། 

• ལས་འབྲས། ལས་བཟང་ངན་ལས་བདེ་སྡུག་འབྱུང་བའི་འབྲེལ་བ།

• བླང་དོར། བྱ་བ་གང་ཞིག་བྱ་འོས་ཤིང་དགོས་པ་རྣམས་ཚུར་ཉམས་སུ་བླང་ཤིང་། བྱ་མི་འོས་པ་རྣམས་དང་དུ་མ་བླངས་པར་ཕར་དོར་བ། 

• ལམ། ཡེ་ཤེས་གང་གིས་བླ་ན་མེད་པའི་བྱང་ཆུབ་འགྲུབ་པའི་ཡེ་ཤེས་དེ་ལ་ལམ་ཞེས་བྱའོ།། (བློ་གྲོས་མི་ཟད་པའི་རྒྱ་ཆེར་འགྲེལ།) ཐར་པའི་ལམ་ནི་ཐེག་པ་གསུམ་གྱི་ལམ་ཡིན་ཏེ། བྱང་ཆུབ་རྣམ་པ་གསུམ་ནི་ཐེག་པ་གསུམ་ཡིན་ལ། དེ་ནི་ཐར་པའོ༎ དེའི་ལམ་ནི་ལམ་དུ་གྱུར་པའོ། །དེ་ཐོབ་པར་བྱེད་པའི་འཇིག་རྟེན་ལས་འདས་པའི་ཤེས་རབ་ནི་ལམ་དངོས་ཡིན་ལ། (གསང་འདུས་བཤད་སྦྱར།)

• མཚན་ཉིད། ཆོས་གསུམ་ཚང་བའི་སྒོ་ནས་མཚོན་བྱ་མཚོན་པར་བྱེད་པའོ༎ ཡང་སྐབས་འགར་ཁྱད་ཆོས་ལ་གོ་དགོས་པའང་ཡོད། 

• རྒྱུ། འབྲས་བུ་སྐྱེད་པར་བྱེད་པའམ། དེ་ལ་ཕན་འདོགས་པ། 

• སྒོ་གསུམ། ལུས་ངག་ཡིད་གསུམ། 

• སྡིག་པ། ཅི་ཕྱིར་སྡིག་པ་ཞེ་ན། རྣམ་པར་སྨིན་པ་ཡིད་དུ་མི་འོང་བ་འབྱིན་པར་བྱེད་པས་ན་སྡིག་པའོ། །ཡང་ན་སྡིག་པ་ཞེས་བྱ་བ་ནི། ལུས་ལ་སོགས་པ་ལས་བྱུང་བ་མི་འདོད་པའི་བག་ཆགས་སེམས་ལ་ཡོད་པར་བྱའོ་ཞེས་གསུངས་སོ། །ཡང་ན་སྡིག་པ་ཞེས་བྱ་བ་ནི། སྡུག་བསྔལ་གཅིག་ནས་གཅིག་ཏུ་བརྒྱུད་དེ། རབ་ཏུ་བྱུང་བ་ཉིད་ཀྱིས་ཤིན་ཏུ་འཇོམས་པ་ཉིད་ཡིན་པའི་ཕྱིར་ན། སྡིག་པ་ཞེས་གསུངས་སོ། ། (རྣམ་འཇོམས་ཀྱི་གཟུངས་ཀྱི་རྒྱ་ཆེར་འགྲེལ།) 

• ལྟུང་བ། ལྟུང་བ་ཙམ་གྱི་མཚན་ཉིད་ནི། སངས་རྒྱས་ཀྱི་བཅས་པ་མཚན་ཉིད་པ་ལས་འདས་པའི་ཆ་ནས་ཁ་ན་མ་ཐོ་བར་གྱུར་པའོ།། (མཚོ་ཊཱིཀ) 

• ལས་སྒྲིབ། ལས་ཀྱི་སྒྲིབ་པ་ནི་མཚམས་མེད་པ་ལ་སོགས་པའི་ལས་ངན་སོང་དུ་ངེས་པ་གང་ཡིན་པའོ། ། (དབུས་མྱའི་འགྲེལ་བཤད།) 

• སྟོབས་བཞི། རྟེན་གྱི་སྟོབས། སུན་འབྱིན་པའི་སྟོབས། ཉེས་པ་ལས་སླར་ལྡོག་པའི་སྟོབས། གཉེན་པོ་ཀུན་ཏུ་སྤྱོད་པའི་སྟོབས་རྣམས་སོ༎

• སྡུག་བསྔལ་བདེན་པ། མཚན་ཉིད་ནི། རང་རྒྱུ་ལས་དང་ཉོན་མོངས་པའི་ལག་རྗེས་ལས་བྱུང་བའི་ཟག་བཅས་ཀྱི་དངོས་པོ། (བདེན་བཞིའི་རྩོད་ཡིག སྒིས་སྟེང་ཡོངས་འཛིན།) 

 • ཉེས་དམིགས། དངོས་པོ་གང་ཡོན་ཡང་དེ་འམ་དེ་ལ་བརྟེན་པའི་གནོད་པ་སྐྱོན་ལ་བྱ་སྟེ།  (ཚེཚོམས་ཀྱི་འགྲེལ་པ།) ཉེས་དམིགས་ཞེས་བྱ་བ་ནི་གནོད་པ་འདི་དག་གོ། ཞེས་པ་ལྟར་རོ༎ 

 • ཐར་པ། ཐར་པ་ཞེས་པ་ནི། བཅིངས་པ་ལས་གྲོལ་བ་སྟེ།  དེ་ཡང་ལས་དང་ཉོན་མོངས་གཉིས་ནི་འཁོར་བར་འཆིང་བྱེད་ཡིན་ལ།  དེ་གཉིས་ཀྱི་དབང་གིས། ཁམས་ཀྱི་དབང་གིས་འདོད་ཁམས་ལ་སོགས་པ་གསུམ་དང་།  འགྲོ་བས་ཕྱེ་ན་ལྷ་ལ་སོགས་པ་ལྔའམ་དྲུག་དང་།  སྐྱེ་གནས་ཀྱི་སྒོ་ནས་མངལ་ལ་སོགས་པ་བཞིར་ཕུང་པོ་ཉིང་མཚམས་སྦྱར་བ་ནི་བཅིངས་པའི་ངོ་བོ་ཡིན་པས། དེ་ལས་གྲོལ་བ་ནི་ཐར་པའོ།། (བྱང་ཆུབ་ལམ་རིམ་ཆེན་མོ།)

 • དོན་གཉེར། དོན་དུ་གཉེར་བ་ནི་མངོན་པར་འདོད་པའོ།། (འགྲེལ་བཤད་གང་སྤེལ།)

 • ཀུན་འབྱུང་བདེན་པ། མཚན་ཉིད་ནི། རང་འབྲས་སྡུག་

བདེན་སྐྱེད་པའི་ལས་ཉོན་ཅི་རིགས་ཀྱིས་བསྡུས་པའི་ཟག་བཅས་ཀྱི་དངོས་པོ། (བདེན་བཞིའི་རྩོད་ཡིག སྒིས་སྟེང་ཡོངས་འཛིན།) 

 • འཁོར་བ། ལས་ཉོན་གྱི་དབང་གིས་ཉེར་ལེན་གྱི་ཕུང་པོ་རྒྱུན་མ་ཆད་པར་ལེན་པའི་རྒྱུན་ལ་འཁོར་བ་ཞེས་བྱའོ།། མཁས་གྲུབ་ཊཱིཀ་ཆེན།)

 • འཁོར་བའི་རྩ་བ། འཁོར་བར་སྐྱེ་བ་ལེན་པའི་མཐར་ཐུག་གི་རྒྱུ་གང་ཡིན་པ་སྟེ། བདེན་འཛིན་གྱི་མ་རིག་པའོ༎ 

 • ངེས་འབྱུང་གི་བསམ་པ། སྡུག་ཀུན་གཉིས་ཀྱི་སྒོ་ནས་འཁོར་བའི་མཚན་ཉིད་ཞིབ་ཏུ་ཤེས་པར་བྱས་པ་ན་དེ་འདོར་འདོད་པ་དང༌། དེ་རྣམས་ཉེ་བར་ཞི་བ་ལ་ཐོབ་འདོད་བྱུང་བ་ཙམ་ནས་ངེས་འབྱུང་གི་བསམ་པ་ཡིན་མོད་ཀྱང་དེ་ཙམ་གྱིས་མི་ཆོག་པས། མེ་འབར་བའི་ཁྱིམ་དུ་ཚུད་པ་དང༌། བཙོན་རར་ཚུད་པའི་བཙོན་གནས་དེ་ལ་མི་འདོད་ཅིང་དེ་ནས་ཐར་བར་འདོད་པའི་བློ་ཅི་ཙམ་སྐྱེ་བ་དེ་ལྟ་བུའི་བློའི་ཚོད་ཙམ་དུ་བསྐྱེད་པར་བྱ་ཞིང་དེ་ནས་ཀྱང་ཇེ་འཕེལ་དུ་གཏང་དགོས་སོ།། (ལམ་རིམ་ཆུང་བ།)

• སེམས་བསྐྱེད། སྤྱིར་ཉན་ཐོས། རང་རྒྱལ། ཐེག་ཆེན་གྱི་སེམས་བསྐྱེད་བཅས་གསུམ་གཙོ་ཆེར་ཐ་མ་ལ་གོ་ཞིང་། དེ་ནི། གཞན་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཝོབ་འདོད་ཀྱི་བསམ་པ་ཞིག་ཡིན། 

• ཐེག་མཆོག ཐེག་པ་ཆེན་པོ་དང་དོན་འདྲ་ཞིང་། དེ་ཡང་དམིགས་པ་དང་། སྒྲུབ་པ། ཡེ་ཤེས། བརྩོན་འགྲུས། ཐབས་མཁས། འགྲུབ་པ། འཕྲིན་ལས་ཆེ་བ་སྟེ། ཆེན་པོ་བདུན་གྱིས་ཐེག་དམན་ལས་ཁྱད་པར་དུ་འཕགས་པས་ན་ཐེག་པ་ཆེན་པོ་ཞེས་བྱའོ༎ 

• གཞུང་ཤིང་། ཁང་པ་དང་། སྦྲ་གུར་སོགས་ཀྱི་གཞུང་དུ་བཏང་བའི་གདུང་མ་དང་། སྲོག་ཤིང་། (ཚིག་མཛོད་ཆེན་མོ།)

• རླབས་ཆེན། ནུས་པ་དང་ཡོན་ཏན་སོགས་ཧ་ཅང་ཆེན་པོ། ནུས་སྟོབས་ཆེ་བ། ལས་ཆོད་ཆེ་བ།

• ཚོགས་གཉིས། བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས། 

• གསེར་འགྱུར་རྩི། དངུལ་ཆུ་གསེར་དུ་སྣང་བ་ཞེས་པའི་རྩི་ཞིག་ཡོད་ལ། དེ་སྲང་གཅིག་གིས་ལྕགས་སྲང་སྟོང་གསེར་དུ་བསྒྱུར་བར་ནུས་པར་གསུངས། 

• རབ་འབྱམས། གྲངས་མེད་ལས་མཐོ་བའི་གྲངས་སྣེ་ཞིག་ཡིན་གསུངས། 

• བསོད་ནམས། ༡ བསོད་ནམས་ཞེས་བྱ་བ་ནི་དགེ་བ་ལ་བྱའོ༎ (ཆོས་མངོན་པ་ལ་འཇུག་པ།) ༢ བསོད་ནམས་ཞེས་བྱ་བ་ནི་འདོད་པ་ན་སྤྱོད་པའི་དགེ་བ་སྟེ། (འགྲེལ་བཤད་གང་སྤེལ།) ཞེས་པ་གཉིས་ལས་འདིར་སྔ་མ་ལྟར་དགེ་བ་སྤྱི་ཙམ་པ་ལ་བྱའོ༎ 

• གཏེར། དངོས་པོ་གང་ཞིག་ཟད་པ་མེད་པར་འབྱུང་བའི་གནས་སམ་གཞི། ཆུ་ཡི་གཏེར་ལྟ་བུ། 

• རྒྱལ་སྲས། བྱང་ཆུབ་སེམས་དཔའི་མིང་གི་རྣམ་གྲངས། 

• དཔའ་བོ། ཕ་རོལ་གྱི་སྡེ་ལས་རྒྱལ་བར་བྱེད་པ་ལ་སྙིང་སྟོབས་དང་ལྡན་པ་སྟེ། སྒྲུབ་ཐབས་ཀུན་བཟང་ལས། དཔའ་བོ་ཞེས་བྱ་བ་ནི་བགེགས་མ་ལུས་པ་རྣམ་པར་འཇིག་པར་མཛད་པའོ༎ ཞེས་གསུངས་པ་ལྟར་རོ༎ 

• རིན་ཆེན་སེམས། གོང་གི་སེམས་བསྐྱེད་དང་དོན་གཅིག

• ཐུགས་དམ། ཉམས་ལེན་གྱི་ཞེ་ས། ཡང་ན་ཐུགས་ཀྱི་དམ་བཅའི་བསྡུས་མིང་། 

• སྦྱིན་པ། གཏོང་བའི་སེམས་པ་དགེ་བ་དང་དེས་ཀུན་ནས་བསླངས་པའི་ལུས་ངག་གི་ལས་སོ།། (ལམ་རིམ་ཆེན་མོ།) 

• ཡིད་བཞིན་ནོར་བུ། ཚེ་འདིའི་རེ་འདོད་ཡིད་བཞིན་དུ་སྐོང་བའི་ནོར་བུ་ཞིག 

• སེར་སྣ། འདོད་ཆགས་ཀྱི་ཆར་གཏོགས་གང་ཞིག །རྙེད་བཀུར་ལ་ཆགས་ནས་ཡོ་བྱད་གཏོང་མི་འདོད་པར་འཛིན་འདོད་པས་རབ་ཏུ་ཕྱེ་བའི་རིག་པའོ༎ (ཀུན་བཏུས་དར་ཊཱིཀ)

• སྙན་གྲགས། གྲགས་པ་ཕུན་སུམ་ཚོགས་པའམ། ལེགས་པའི་ཕྱོགས་ཀྱི་གྲགས་པ། 

• ལུས། སྤྱིར་གོ་དོན་མང་ཡང་སྐབས་འདིར་རང་རྒྱུད་ཀྱི་གཟུགས་ལུང་ལ་འཇུག

• ལོངས་སྤྱོད། ལོངས་སྤྱོད་ཅེས་བྱ་བ་ནི་ཉེ་བར་སྤྱད་པར་བྱ་བའི་དངོས་པོ་རྣམས་ཏེ། (ཤེར་འབྱུང་གི་སྤྱོད་འཇུག་གི་དཀའ་འགྲེལ།)

• དགེ་བ། ལུང་དུ་བསྟན་པ་གང་ཞིག །བདེ་བ་སྐྱེད་བྱེད་ཀྱི་རིགས་སུ་གནས་པ། དགེ་བའི་མཚན་ཉིད། (པཎ་ཆེན་ཕར་ཕྱིན་མཐའ་དྱོད།) 

• མཁས་པ། ཐོས་བསམ་ཕྱོགས་སུ་མ་སོང་ཞིང་༎ གཞུང་ལུགས་གདམས་པར་ཤར་བ་ཡིས༎ མཉན་འོས་རིགས་པའི་ལམ་སྨྲ་བ༎ དེ་ཉིད་ལ་ནི་མཁས་པ་ཟེར༎ (ལྕང་སྐྱ་གྲུབ་མཐའ།) 

• ཚུལ་ཁྲིམས། གཞན་ལ་གནོད་པ་གཞི་དང་བཅས་པ་ལས་ཡིད་ཕྱིར་ལོག་པའི་སྤོང་སེམས་ནི་ཚུལ་ཁྲིམས་ཡིན། (ལམ་རིམ་ཆེན་མོ།)

• ཉེས་སྤྱོད། སྡིག་པ་མི་དགེ་བ།

• ཉོན་མོངས། མཚན་ཉིད་གང་ཞེ་ན། ཆོས་གང་འབྱུང་བ་ན་རབ་ཏུ་མ་ཞི་བའི་མཚན་ཉིད་དུ་འབྱུང་སྟེ། དེ་བྱུང་བས་སེམས་ཀྱི་རྒྱུད་རབ་ཏུ་མ་ཞི་བར་འབྱུང་བ་དེ་ཉོན་མོངས་པའི་མཚན་ཉིད་དོ།། (མངོན་པ་ཀུན་བཏུས།)

• སྐྱེ་དགུ། སྐྱེ་བོ་ཡོད་དོ་ཅོག

• ལྷུན་པོ། རིའི་རྒྱལ་པོ་རི་རབ་ཀྱི་མིང་།