དཀོན་མཆོག་གསུམ་ལ་ཕྱག་འཚལ་ལོ།། ལུས་ཀྱི་ཟག་པ་སྦྱིན་པར་གཏང་བའི་གཟུངས།
མཆིལ་མ་ལ། ཨོཾ་ཨཿཤླེཥྨཱ་ཧ་རེ་བྷྱཿསྭཱཧཱ།
ལུད་པ་ལ། ཨོཾ་ཨཿཁྲེ་ར་ཨཱ་ཧ་རེ་བྷྱཿསྭཱཧཱ།
སྣབས་ལ། ཨོཾ་ཨཿསིཾ་གྷ་ན་ཨཱ་ཧ་རེ་བྷྱཿསྭཱཧཱ།
ལུས་ཀྱི་དྲི་མ་ལ། ཨོཾ་ཨཿམ་ལ་ཨཱ་ཧ་རེ་བྷྱཿསྭཱཧཱ།
དྲི་ཆེན་ལ། ཨོཾ་ཨཿབི་ཊ་ཨཱ་ཧ་རེ་བྷྱཿསྭཱཧཱ།
དྲི་ཆུ་ལ། ཨོཾ་ཨཿམུ་ཏྲ་ཨཱ་ཧ་རེ་བྷྱཿསྭཱཧཱ།
དེ་རྣམས་སོ་སོ་ལ་དེ་དག་ཟ་བ་རྣམས་ཀྱིས་ཐོབ་པར་གྱུར་ཅིག་ཅེས་བརྗོད་པར་བྱའོ།། སེ་གོལ་བརྡབ་བོ།། དེ་རྣམས་ལ་དེ་ལྟར་སྦྱིན་པའི་བསོད་ནམས་ཅི་བསགས་པ་ཐམས་ཅད་སེམས་ཅན་ཐམས་ཅད་ཀྱི་དོན་དུ་བྱང་ཆུབ་ཏུ་བསྔོ་བར་བྱའོ།།
འདི་དག་ནི་བླ་མ་རྡོ་རྗེ་གདན་པས་མདོ་རྒྱུད་ལས་ཕྱུང་སྟེ། བ་རི་ལོ་ཙྪ་བས་བསྒྱུར་བའོ།།
No comments:
Post a Comment